Ƀă kơxô̆ kuăn pơlê ối má pŭn tung lâp plâi tơnêi a Đông Nam Á, Indonesia cho kong têa ki ai hên tơmối tung lâp plâi tơnêi troh xua ai hên tơmeăm khoăng ki kong pơlê Lâm Đồng tơmâng ngăn vâ khât tung tơdroăng vâ mơnhông tơbrê.

Tơdroăng tối mê ăm khu mơdró ki pêi cheăng  tung kơvâ ôm hyô ƀă Khu lăm pêi cheăng dêi Kăn teăng mâ kong têa Indonesia, kăn hnê ngăn kơvâ ôm hyô Lâm Đồng, ăm ‘nâi, kong pơlê hiăng tơbleăng pêi tơdroăng Tơkêa bro “Mơdêk tơrŭm pêi cheăng lâp plâi tơnêi vâ mơjiâng ƀă mơnhông kơvâ cheăng Halal Việt Nam troh hơnăm 2030”; tơbleăng tăng ‘nâi plĕng ‘na ki rơ hêng vâ dêi Indonesia vâ pêi pro tiô troăng mơ jiâng, ‘no liăn pro tơmeăm khoăng ôm hyô ăm tơtro ƀă tơdroăng púi vâ dêi tơmối ôm hyô, malối cho pro tơniăn tơdroăng loi tĭng tiô khôp. Kố cho xiâm ki kal vâ péa pâ mơdêk  tơrŭm tơdjêp ƀă dêi rơ pó, po rơdâ tơ rŭm ƀă mơnhông ai hên tơ mối mot ôm hyô tung la ngiâ.