VOV.Xơ Đăng - Troh nôkố, kong pơlê Gia Lai hiăng pêi pro kêi đeăng tơdroăng ki ‘mâi rơnêu, tơ’mot thôn, pơlê, tôh kuăn pơlê kơphô̆ tro tiô hnoăng cheăng pơcháu, kơdroh ing 2.693 chu ối 1.400 cheăm, bêng, tơdâng ƀă 48,01%. Klêi kơ’nâi tơ’mot thôn pơlê, cheăm, tôh kuăn pơlê kơphô̆, mê kong pơlê kố ôh tá xê to kơdroh ối iâ khu kăn pơkuâ hnê ngăn, mê ối thăm rế vâ tơ’lêi hlâu ăm tơdroăng ki tơniăn ‘na hnoăng cheăng ƀă thăm mơdêk ivá cheăng dêi khu kăn ƀô̆ a pơlê cheăm, bêng, tơniăn ăm khu mơngế ki pơkuâ tơdroăng cheăng, méluâ tơnêi tiah ki pơkuâ ngăn mê kân rơdâ lơ khu kăn hnê ngăn xuân athế achê hmâ troh ƀă kuăn pơlê, ‘nâi tơdroăng kuăn pơlê.

VOV.Xơ Đăng - Mơdêk rơdêi pơhlêh xúa kong ngê̆, mơjiâng khu ki pleăng dêi hnoăng cheăng rơkê cho péa kơvâ cheăng ki xiâm châ Khu lo tŏng veăng kong pơlê Dak Lak mơnhên tung pơla hơnăm 2026-2031.

VOV.Xơ Đăng - Khu pơkuâ hnê ngăn Đảng ủi Quảng Ngãi nếo tơkŭm po rôh hôp tơbleăng mâu pơkâ dêi Khu pơkuâ cheăng Đảng ‘na hnoăng cheăng kăn ƀô̆ ƀă Vi ƀan Séa ngăn Khu pơkuâ ngăn Đảng ủi Quảng Ngãi hneăng hơnăm 2025-2030.

VOV.Xơ Đăng - Kơxo lơ 6/7, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng pơkuâ po Rôh hôp Khu pơkuâ Đảng ủi Kuô̆k hô̆i ƀă tơdroăng ki mơjiâng Tíu cheăng Hriăn ngăn chuyên đề ối tung Đảng ủi Kuô̆k hô̆i ƀă mơjiâng Khu xiâm Pơhlêh xúa kong ngê̆ ối tung Ƀơrô cheăng Kuô̆k hô̆i.

VOV.Xơ Đăng - Tơbâ 80 hơnăm Hâi mơjiâng khu lêng gâk kring kuăn pơlê lơ 12/7, 72 hơnăm hâi mơjiâng khu cheăng Kih thuât nghiê̆p vŭ lơ 1/7, kơxo lơ 6/7 a Hà Nội, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa troh pôu ƀă pơkuâ rôh pêi cheăng a Tíu pêi cheăng Kih thuât nghiê̆p vŭ, Khu xiâm ngăn Kŏng an.

VOV.Xơ Đăng - Khu pơkuâ hnê ngăn Đảng ƀô̆ kong pơlê Gia Lai hneăng má XVI tơkŭm po Hôp tơno tơdroăng rôh má 4 hneăng hơnăm 2025 – 2030 tơkŭm mơnhên tơdroăng châ tơƀrê pêi pro hnoăng cheăng 6 khế apoăng hơnăm, pơkâ troăng pêi ăm mâu khế mơ’nui hơnăm ƀă séa ngăn hên tơdroăng ki kal xiâm ‘na tơdroăng mơjiâng Đảng, mơnhông cheăng kâ – rêh ối pơlê pơla.

VOV.Xơ Đăng - A Tíu pêi cheăng Chin phuh tơkŭm po Rôh hôp Chin phuh tiah hmâ khế 6/2026 ƀă Hôp tơno tơdroăng kal mơ’no tơdrêng tung um tiô troăng hyôh măng Chin phuh ƀă mâu kong pơlê.

VOV.Xơ Đăng - Kơxê hai lơ 5/7, a Pơlê kong kân Hồ Chí Minh, jâ Phạm Thị Thanh Trà séa ngăn tơdroăng cheăng hbrâ ăm Leh tơbleăng lăm tăng, tơkŭm kơxêng kiâ mâu ngế hlâ ai hnoăng a Công viên Lê Thị Riêng (bêng Hòa Hưng, cho Pơlê krâm 10 hdrối nah).

VOV.Xơ Đăng - Tung rôh pơkâ pêi pro mơnhông cheăng kâ tâk péa kơxô̆, Lâm Đồng dế pơkâ pêi pro châ hên tơdroăng tơngah tung mâu kế tơmeăm tung kơmăi kơmok ki ai yă kơnâ rế tâk. Ki xiâm tung mê cho kơvâ meăm nhôm, ƀă mâu hngêi kơmăi tiô tối hdrối kô pro mâu kế tơmeăm ki apoăng tung khế 7 kố, châ tơngah chiâng ivá nếo mơnhông tâk cheăng ƀă kơmăi kơmok pro ivá tơdjâk ăm tâi tâng tơdroăng cheăng kâ. A hneăng hôp má 4, Hô̆i đong hnê ngăn kong pơlê Lâm Đồng hneăng XI, hên mâu kăn hiăng tơpui tối leăng ‘na tơnêi tơníu vâ mơnhông cheăng kâ dêi tơdroăng tơkêa pro tíu pêi cheăng pơkuâ ngăn tơƀrê, pêi pro thăm mơnhông tâk hơnăm 2026. Tơdroăng “Hơ’muăn tơdroăng nếo ai” hâi kố ai tối troh tơdroăng mê.

VOV.Xơ Đăng - Kơxê hâi lơ 2/7, a tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa tơdah kăn xiâm hnê ngăn Hngêi rak liăn Tơrŭm cheăng lâp plâi tơnêi Nhuk (JBIC) pôa Maeda Tadashi dế lăm pôu, pêi cheăng a Việt Nam.