Tiô tơbleăng a hôp tơno tơdroăng kal, tâi tâng tơmeăm 6 khế apoăng hơnăm a Gia Lai tiô tối pói vâ tâk 8,21% tâng pơchông ƀă rôh kố hơnăm 2025; xo hnoăng liăn ngân tơnêi têa châ lối 16.566 rơtal liăn, tâk lối 22%. Tíu mơ’no liăn cheăng, tê mơdró pơtối châ pơhlêh i lĕm tâ ƀă 165 tơdroăng tơkêa bro kĭ mơ’no liăn cheăng nếo, châ lối 2 xôh rơtế hneăng hơnăm nah; lối 2.000 khu tê mơdró châ mơjiâng ƀă tâi tâng kơxô̆ liăn kĭ vâ chê 30.000 rơtal liăn. Ôm hyô xuân mơnhên tơdroăng ki tơtêk drêng tơdah dâng 8,7 rơtuh rôh tơmối, pêi lo liăn châ 19.000 rơtal liăn.

A hôp tơno tơdroăng kal, pôa Thái Đại Ngọc, Kăn pơkuâ hnê ngăn cheăng Đảng kong pơlê Gia Lai pơkâ thế mâu kăn teăng mâ tơkŭm mơnhên ôh tá tơdjâk pakong tơdroăng tơkêa bro 6 khế apoăng hơnăm, pêi pro inhên mâu tơdroăng ki u ối tơvâ ƀă mơnhên mâu troăng pêi ki xiâm vâ kêi đeăng pơkâ tơtêk cheăng kâ hơnăm 2026 châ 10,2%.