Tơpui a rôh pêi cheăng, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối rơdêi, rôh tơplâ rak vế gâk kring tơnêi têa, rak vế tơniăn tung lâp pơlê pơla hiăng mơhno hnoăng cheăng, tíu ối ki kal dêi tơdroăng cheăng kih thuât, nghiê̆p vŭ, thăm nếo tơdroăng cheăng kố ai pơkâ a mâu hâi khế ki kal; ki rơhêng vâ tối, tung mâu hơnăm achê kố, tơdroăng cheăng kih thuât nghiê̆p vŭ ai mâu hvêa chêng prôk nếo tiô hiâm mơno pơhlêh nếo, rơkê plĕng, tŭm têk tâ, Khu xiâm ôh tá xê to kơhnâ veăng pêi tơƀrê tung mâu tơdroăng cheăng, tơdroăng xôi, mê ối hbrâ rơnáu tơrŭm rak vế hnoăng pơkuâ tơnêi têa, hnoăng pơkuâ tơnêi tơníu, rak vế tơkăng kong ing troăng hơlâ kih thuât nghiê̆p vŭ ƀă gum cheăng ăm tung pơla mơnhông cheăng kâ rêh ối pơlê pơla dêi tơnêi têa.

Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế, po rơdâ hnoăng cheăng kih thuât, nghiê̆p vŭ tung mâu tíu ki nếo vâ mơdât mâu tơdroăng gâk kring ƀă thăm mơnhông ivá rak vế gâk kring tơnêi têa.