Klêi séa ngăn kơpong tơkŭm po leh, troăng hơlâ tơdah mâu kăn, kring tơniăn, ‘na pơkeăng ƀă mâu tơdroăng pêi pro tung tí tăng, tơkŭm kơxêng kiâ mâu ngế hlâ ai hnoăng, jâ Phạm Thị Thanh Trà, Phŏ Ngế xiâm hnê ngăn tơnêi têa pơkâ thế mâu tíu pêi cheăng đông lêng tơdjâk troh pơtối tăng ngăn nhên tơrêm tơdroăng cheăng pêi.

Tiô jâ Phạm Thị Thanh Trà, tơdroăng châ ‘nâi tíu ki ’nâ ‘mế hên ngế xŏn dâng 25km, rơdâ dâng 3m; rôh apoăng châ ‘nâi ai 5 kơxêng kiâ ‘mế ƀă plâ ting tong mố đô̆i ƀă hên mâu túa kơxêng ki hiăng tơpôe a kơpong A dêi Công viên Lê Thị Riêng cho tơdroăng ăm hlo ki kal, la vâ tối cho nếo rôh apoăng.

Ing tơdroăng ăm ‘nâi apoăng mê, jâ Phạm Thị Thanh Trà, Phŏ Ngế xiâm hnê ngăn tơnêi têa tơngah kô châ tơbleăng lâp lu tung pơlê pơla, tơbleăng tơdroăng ki lĕm dêi tơdroăng lăm tăng, tơkŭm kơxêng kiâ mơngế hlâ ai hnoăng; tơ’mot hên ngế veăng pêi dêi rêm râ, kơvâ cheăng, mâu cheăng khoa hok, mâu lêng, mâu ngế ki hlo ‘nâi ƀă nhŏng o xiâm mơngế ki hlâ tung lâp tơnêi tung tơdroăng lăm tăng, tơkŭm kơxêng mâu ki hlâ ai hnoăng tơnêi têa.