Xông tơpui rôh trâm mâ, pôa Tô Lâm, Kăn xiâm pơkuâ hnê ngăn Đảng mơnhên, klêi kơ’nâi châ mơjiâng, hnoăng cheăng dêi Khu hnê mơhno cho tơbleăng, tơdrêng pơkuâ, hnê mơhno pêi pro mâu troăng hơlâ dêi Đảng, Tơnêi têa vâ rak tơniăn kal kí, mơdêk mơnhông mơdêk, tơniăn gâk kring tơnêi têa, kring tơniăn kơpong Tây Nguyên.

Pâ mơnê ƀă kheăn kơdeăn mâu kăn pêi cheăng nah cho kăn ƀô̆, kŏng chưk, viên chưk, nhân viên Kơ koan Hnê mơhno Khu hnê mơhno má môi Tây Nguyên ing mâu rơxông, hiăng ôh tá xâu pá puât, ối pêi cheăng a tung kong pơlê, a kơ koan, kêi đeăng rơkê hnoăng cheăng ki Đảng, Tơnêi têa pơcháu; pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pói vâ mâu kăn pơtối mơnhông ihiâm tuăn mơno dêi mơngế kăn ƀô̆ Khu hnê mơhno Tây Nguyên pơtối achê kuăn pơlê, hlê plĕng kuăn pơlê, nhuô̆m kuăn pơlê, ai hnoăng ƀă kuăn pơlê.

Ƀă tơdroăng ki loi tơngah ƀă túa ki rơkê dêi tơná, pơtối veăng tơpui ăm khu râ kăn pơkuâ hnê ngăn cheăng Đảng, khu râ kăn pơkuâ, pơtối cho kông tơdjêp pơla Đảng, Tơnêi têa ƀă kuăn pơlê mâu hdrông kuăn ngo Tây Nguyên.