Klêi tăng ngăn pêi pro tiô hnê mơhno dêi Khu xiâm ngăn Kuăn ngo ƀă ‘na Loi tĭng tiô khôp, ăm hlo, kong pơlê Lâm Đồng ‘nâi nhên tơdroăng ki kal ‘no liăn pro 55 tíu mơ’no têa krúa tơdjuôm ƀă kơxô̆ liăn vâ chê 245 rơtal liăn. 19 tíu mơ’no on tơhrik, 16 tơmeăm ‘na on tơhrik tơnêi têa ƀă 3 tíu tâp trăng, krâ pul on tơhrik bâ eăng troăng pơlê, tâi tâng kơxô̆ vâ chê 79 rơ tal liăn.

Tơdrêng amê, kong pơlê kô kơjo gum mơjiâng pro hngêi ối ăm 35 rơpŏng kơtiê xơpá, kơxô̆ liăn 1,75 rơtal liăn. Tâi tâng kơxô̆ liăn ‘no pêi pro tơmeăm khoăng ki kal lối 325 rơtal liăn, tâi tâng cho kơxô̆ liăn ‘no mơnhông tơƀrê. Lâm Đồng tối kal tơkŭm pêi pro a 218 to thôn kơtiê xơpá má môi veăng kum kuăn pơ‘lêh hơ’lêh tung rêh ối, mơnhông tơdroăng rêh ối mâu kuăn ngo châ tơƀrê iâ.