Nôkố, tâi tâng kơxêng kiâ mô đô̆i hiăng châ djâ vêh a Ilâng kiâ Mô đô̆i Bình Thuận vâ pơcháu ăm mâu pơlê, hbrâ tơkŭm ‘mế tiô tro pơkâ. Rơtế amê, kơ koan cheăng hiăng tơkŭm xo mauh, xúa kŏng ngê̆ măng internet vâ châ ‘nâi tơdroăng ƀă krâ mah inâi. Tơdroăng kố gum tơdrêng ăm tơdroăng mơnhên ADN vâ rĕng mơdrếo inâi ăm mâu ngế khên tơnôu mô đô̆i hlâ tung tơplâ xâ nah.

Tiô teăng mâ Khu xiâm pơkuâ Mô đô̆i kong pơlê Lâm Đồng, rôh tơkŭm kố cho tơdroăng ki châ tơƀrê ing tơdroăng mơnhên ki thâ ƀă inhên. Klêi kơ’nâi tơdah pơkâ ing Hô̆i đong Troăng hơlâ cheăm Hòa Thắng, tíu hiăng pêi cheăng ƀă mơngế ki châ hlo tơdroăng rôh nah, nhŏng o mô đô̆i hlâ tung tơplâ xâ nah, tơdrêng amê pơchông ‘noăng chư chêh mâu rôh plâ ƀâ tung pơlê vâ mơnhên tơtro tíu ki vâ chiâ.