Vi ƀan kong pơlê Gia Lai nếo tơkŭm po Rôh hôp tơpui tơno tơdrêng pơla Kăn hnê ngăn Vi ƀan kong pơlê ƀă đoân viên, droh rơtăm hơnăm 2026. A rôh hôp, droh rơtăm Gia Lai pơkâ hên troăng hơlâ tơdjâk troh tơdroăng cheăng pêi, pơxiâm pêi cheăng, pơ'lêh xúa kŏng ngê̆ ƀă mơnhông ôm hyô. Mâu rơkong tơpui tơkŭm tung mơhnhôk mơngế pêi cheăng kŏng ngê̆ thong tin vêh a kơpong xơpá; tăng cheăng pêi a pơlê, po rơdâ kơxô̆ liăn mung kơjo ăm droh rơtăm pơxiâm pêi cheăng; mơnhông ôm hyô kong kế - têa kơxĭ; pơ'lêh kơxô̆ tung pêi chiâk deăng ƀă rak vế tíu mơhno túa lĕm tro chêng koăng rơtế ƀă tơdroăng rêh ối krá tơniăn. Mâu tơdroăng pâ thế xúa tíu pêi cheăng ki u ối vâ tŏng kum droh rơtăm pơxiâm tăng cheăng pêi.

Pôa Phạm anh Tuấn, Kăn hnê ngăn Vi ƀan kong pơlê Gia Lai pơkâ thế droh rơtăm mơnhông hnoăng djâ troăng ahdrối tung khoa hok - kŏng ngê̆, pơ'lêh xúa kŏng ngê̆, hbrâ rơnáu pro pơkuâ kŏng ngê̆ nếo, tung mê ai tuăn ngôa rơkê kuăn mơngế bro; tơdrêng amê khên tơnôu pơxiâm tăng cheăng pêi, xúa châ tơƀrê tơdroăng "kơpong kong ngo – kơpong tơbăng pá tơdế tơnêi têa - tơkăng kong - kơno tuk".