Khu xiâm pơkuâ hnê ngăn Đảng, Kuô̆k hô̆i, Kăn xiâm hnê ngăn tơnêi têa, Chin phuh ƀă Vi ƀan xiâm Măt trâ̆n Tơnêi têa Việt Nam nếo tơbleăng tơdroăng kal má môi: Pôa Saysomphone Phomvihane, Kăn cheăng tung Khu xiâm kal kí Đảng Nhân yân Kăch măng Lếo, Kăn xiâm hnê ngăn Kuô̆k hô̆i kong têa Kŏng hoa Yân chuh Nhân yân Lếo hiăng hlâ hâi lơ 8/8/2026, rêh châ 70 hơnăm.

Vâ mơhno hiâm mơno pâ mơnê kơ pôa Saysomphone Phomvihane ƀă pơxiâm ing tơdroăng tơrŭm cheăng ki má môi Việt Nam – Lếo, Khu xiâm pơkuâ hnê ngăn Đảng Kŏng san Việt Nam, Kuô̆k hô̆i tơnêi têa Kŏng hoa xah hô̆i chuh ngiah Việt Nam, Kăn xiâm hnê ngăn tơnêi têa Kŏng hoa xah hô̆i chuh ngiah Việt Nam, Chin phuh tơnêi têa Kŏng hoa xah hô̆i chuh ngiah Việt Nam ƀă Vi ƀan xiâm Măt trâ̆n Tơnêi têa Việt Nam pơkâ pro mơdâm kiâ pôa Saysomphone Phomvihane tiô tơdroăng mơdâm kiâ Tơnêi têa tung 2 hâi, sap hâi lơ 10 troh hâi lơ 11/8/2026.

Tung pơla mơdâm kiâ, mâu kơ koan, tíu pêi cheăng tung lâp tơnêi têa ƀă kơ koan teăng mâ Việt Nam a kong têa ê tâp hlá cơ kơ’rop, kât a ko prế rơbông ƀă pơtê tâi tâng tơdroăng xah hêi, ôm ro pơlê pơla.