VOV.Xơ Đăng -  Hâi lơ 12/7, a pơlê kong kơdrâm Ƀuôn Ma Thuột, Vi ƀan kong pơlê Dak Lak tơrŭm ƀă Học viện Chính trị quốc gia Hồ Chí Minh tơkŭm po hôp tơpui tơno khoa hok ‘’Dak Lak tung chal nếo’’.

VOV.Xơ Đăng - A Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa nếo troh veăng ƀă xông tơpui a Leh tơbâ 80 hơnăm Hâi mơjiâng khu Gâk kring kuăn pơlê ƀă tơdah Mê dái Hơlŏng Trĭng rôh má péa.

VOV.Xơ Đăng - A Hà Nội, pôa Lê Minh Hưng - Ngế pro xiâm hnê ngăn tơnêi têa nếo pơkuâ leh khĕn kơdeăn hlối trâm mâ mâu khu pêi hnoăng cheăng tŏng gum, hlối pê klêi pơkâ tơdroăng  tŏng gum a kong têa Venezuela vêh a tơnêi têa.

VOV.Xơ Đăng - Tơdrốu khế apoăng hơnăm, cheăng kâ - pơlê pơla kong pơlê Khánh Hòa tơmâng xo hên tơdroăng pêi châ tơbrê, xo liăn ngân châ vâ chê 28.000 rơtal liăn ƀă hên tơdroăng pêi pro ki kal pêi châ ƀă luâ pơcháu. La, pakĭng mâu tơdroăng pêi tơbrê, hên mâu kăn Hô̆i đong kuăn pơlê kong pơlê tối Khánh hòa kal rĕng kơdroh kơnôm to a kơxô̆ liăn châ xo ing tơnêi, pro xiâm mơdêk pêi cheăng kâ, pê lo tơmeăm, tê mơdró, ‘no liăn pro tơmeăm khoăng ăm pơlê pơla.

VOV.Xơ Đăng - Tung 6 khế apoăng hơnăm kố, ôm hyô pơtối cho tơdroăng ki bâ dêi mâu kong pơlê Dak Lak, Gia Lai drêng kơxô̆ ngế tơmối troh ôm hyô ƀă kơxô̆ liăn châ xo pơrá tơkâ luâ hlá mơéa chêh pơkâ thăm mơdêk pơkâ mơ’no.

VOV.Xơ Đăng - Kơxê lơ 9/7, pôa Hồ Quốc Dũng, Phŏ Ngế pro xiâm hnê ngăn Chin phuh pêi cheăng ƀă Ƀơrô cheăng Khu hnê mơhno hbrâ mơdât tơdroăng cheăng lêng tơnêi têa, teăng mâ mâu khu xiâm, kơvâ cheăng, tíu pêi cheăng ki ai tơdjâk troh ‘na hnoăng cheăng hbrâ mơdât ‘mâi mơnhông tơdroăng ki kong mê khía mơhot têa kân lân lu hơnăm 2026.

VOV.Xơ Đăng - Kơxê hâi lơ 9/7, a Đà Lạt, kong pơlê  Lâm Đồng po trâm mâ Kăn teăn mâ kong têa Indonesia  a Pơlê kong kân Hồ Chí Minh.

VOV.Xơ Đăng - Khu ki pêi dêi hnoăng cheăng Khu xiâm ngăn chiâk deăng ƀă Hyôh kong prâi xua pôa Nguyễn Hoàng Hiệp, Phŏ ngế xiâm ngăn chiâk deăng ƀă Hyôh kong prâi pơkuâ djâ khu kố hiăng pêi cheăng ƀă Vi ƀan hnê ngăn kong pơlê Dak Lak ƀă mâu kong pơlê Tây Nguyên vâ lêi tah mâu tơdroăng ki xơpá tung tê plâi sầu riêng ngi kong têa ê hdrối rơnó krí 2026.

VOV.XơĐăng - Pơkuâ rôh pêi cheăng ƀă kơvâ ngăn cheăng pêi ‘na tơdroăng mơngế pêi cheăng Việt Nam, troăng hơlâ tăng cheăng pêi krá tơniăn a thôn pơlê, kơphô̆, kơpong hdroâng kuăn ngo, pôa Tô Lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên: troăng hơlâ, pêi pro ôh tá pơtê dêi Đảng ƀă Tơnêi têa kum cheăng pêi ăm krá tơniăn a kơpong kuăn ngo rơtế ƀă tơbâ tơdroăng cheăng pêi, kơdroh kơ klêa xăm kơtê krá ƀă rak túa vêa vong.

VOV.Xơ Đăng - Mâu tơdroăng tơkêa bro Hngêi trung hdrông kuăn ngo ai tíu kâ koi ối pơtê péa râ Râ má môi ƀă râ má péa a mâu cheăm tơkăng kong dêi kong pơlê Dak Lak ƀă Lâm Đồng dế châ mơdêk pro rĕng vâ teăm xúa tung hơnăm hriâm 2026 – 2027.