Tiô tối hdrối tung 2 rôh hôp: rôh má 1: 1 hâi (kơxê kố ƀă kơxo ah lơ 4/9/2026); rôh má 2: 4 hâi tơdế (sap ing hâi lơ 21/9 troh kơxo lơ 25/9/2026). A rôh hôp má 6, Vi ƀan pơkuâ Kuô̆k hô̆i kô séa ngăn, tơpui ‘na 27 tơdroăng tơkêa bro Luât, Tơdroăng xiâm tơbleăng a rôh hôp, tơtrŏng má môi môi tiah tơdroăng tơkêa bro: Luât ‘mâi rơnêu, tơ’nôm mâu troăng dêi Luât Chư̆ng khoăn; Luât ‘mâi rơnêu, tơ’nôm mâu troăng dêi Luât Kê̆ toăn, Luât Kiểm toăn krê xêh…

Xuân a rôh hôp, Vi ƀan pơkuâ Kuô̆k hô̆i kô séa ngăn, tơbleăng ăm pêi pro mâu tơdroăng tơkêa bro Tơdroăng xiâm tơbleăng a rôh hôp ki tơtrŏng má môi mơtiah: Tơdroăng xiâm tơbleăng a rôh hôp ‘na Tơdroăng mơjiâng luât hơnăm 2027; Tơdroăng xiâm tơbleăng a rôh hôp pơkâ tơdroăng mâu kơ koan séa ngăn châ xo ing kơxô̆ liăn xo tơvêh, châ hlo ing séa ngăn klêi kơ'nâi nâp a hnôu liăn ngân tơnêi têa vâ chêl ăm tơdroăng pêi cheăng ƀă mơdêk ivá pêi cheăng dêi kơ koan séa ngăn; Tơdroăng xiâm tơbleăng a rôh hôp pơkâ 'na tơdroăng ki kring gâk Ngế xiâm tơleăng.

Vi ƀan hnê  mơhno má môi Kuô̆k hô̆i kô tơpui 'na Tơdroăng tơkêa bro Tơdroăng xiâm tơnêi têa hbrâ mơdât mơngế xôi hneăng hơnăm 2026 – 2030, tơmiât pêi troh hơnăm 2035.