A Nha Trang, hên hngêi ăm tơmối kâ koi ối pơtê 3 troh 5 hơlŏng ai kơxô̆ tơmối vâ ối vâ chê 70%; mâu tíu ối a tíu ki tơ'lêi hlâu châ lối 90%. Mâu tíu ối pơtê a Phan Rang, Ninh Chử, Vĩnh Hy xuân hlo kơxô̆ tơmối tâk hên. Khánh Hòa nôkố ai lối 1.400 tíu ăm tơmối kâ koi ối pơtê ƀă dâng 70.000 kơbong, tơxâng ƀă tơdroăng kal vâ tung rôh leh. Laga, kơxô̆ ăm tơmối ối pơtê pơtối tâk, tơkŭm a kơpong tíu xiâm ƀă kĭng têa kơxĭ.

Pôa Trần Tấn Ngọc, Kăn pơkuâ ngăn môi to hngêi ăm tơmối kâ koi ối pơtê a troăng Trần Phú, bêng Nha Trang, tối ăm 'nâi kơbong ăm tơmối kâ koi ối pơtê rôh leh châ dâng 80/90%. Tiô pôa Ngọc, maluâ yă kơbong a Khánh Hòa hâi tâk hên, tơmối xuân thế hbrâ rơnáu xing xoăng kơbong vâ ví tơdroăng ki ôh tá 'nâi hdrối tung mâu hâi ki hên tơmối.