VOV.Xơ Đăng - Rơtế ƀă hnoăng cheăng ki mơjiâng troăng kân, ăm rơxế kơtâu têi ing Quy Nhơn troh a Pleiku, kong pơlê Gia Lai dế tơkŭm pêi pro kêi 9 kơpong pơlê nếo ki ối tâ tá drô troăng kân mê, kô pơcháu tơnêi pro pơlê nếo ăm kuăn pơlê tung khế 7. Tơdroăng kố, thăm mơdêk rĕng hnoăng cheăng, ôh tá xê to gum ăm mâu rơpŏng kuăn pơlê châ tơniăn tung tơdroăng rêh kâ ối, mê ối lêi tah lôi tơdroăng ki pro mơgrúa tơnêi tíu, gum tơ’lêi hlâu vâ tơdroăng tơkêa bro dêi hnoăng cheăng xiâm tơnêi têa châ pơkâ pêi pro tro tơdroăng, tro hnoăng cheăng pơcháu.

VOV.Xơ Đăng - Mâu hlá cờ Tơnêi têa kơneăng a ‘ngêi drô troăng prôk nếo ki ai on bâ eăng kơtâu ing on tơhrik mâ hâi, plông peăng ƀa long hên ngế tâ to idrâp tó lơ mâu tơdroăng pêi pro ai pơxúa ăm vâi o kơtiê... cho mâu tíu ki chôu ki mâu hơnăm ối nếo pêi pro tung Rôh droh rơtăm lăm pleăng hnoăng tơná rơnó pơtê hriâm a kơpong tơkăng kong Dak Lak. Ing mâu tơmeăm khoăng kŭm la pơxúa ƀă tơdroăng kal vâ, ivá mâu rơxông nếo dế veăng ‘no pro pơ’lêh ngiâ méa mâu pơlê a tíu tơkăng kong.

VOV.Xơ Đăng - Hâi lơ 13/7, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn Chin phuh hiăng tơdah jâ Jennifer Wicks, kăn teăng mâ pơkuâ tơdroăng cheăng kuăn pơlê Mih a Việt Nam.

VOV.Xơ Đăng - Kơxê hâi lơ 13/7, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa troh lăm pôu, pêi cheăng a  Tíu xiâm Kăn sát rak ngăn ‘na kroăng phâk, tíu hnê pơtâp pơklât thế, hngêi trung hnê mâu ki phâk, Khu xiâm Kong an

VOV.Xơ Đăng - Hâi lơ 13/7, Vi ƀan Kuăn pơlê kong pơlê Dak Lak tơkŭm po Hôp mơgêi tơdroăng pêi pro ‘na mơnhông cheăng kâ-pơlê pơla, pro tơniăn ‘na lêng- kring tơniăn.

VOV.Xơ Đăng - Kong pơlê Khánh Hòa dế pơhlêh hlo nhên tung rơnêu nếo pro mơ-éa rêh ối cheăng kâ ƀă tơnêi têa drêng kơdroh hâi khế pro lối 1.100 mơ-éa, châ vâ chê 60% tung tâi tâng mơ-éa xúa tung kong pơlê.

VOV.Xơ Đăng - Rêm tơnâp kiâ mơngế mô đô̆i hiăng hlâ tá hâi châ mơnhên inâi dêi ngế ki mê cho môi ki tơkéa vâ tối pin ối chĕn kơ vâi ki hía mê, xua pin ta hâi châ hơlêm hiâm mơno mơjo pâ tung hiâm tuăn dêi rơpŏng hngêi ki ai mơngế hlâ hía ƀă hnoăng cheăng tơnêi têa chal ton nah. Xua ti mê, “Hneăng tơplâ 500 hâi măng hiăng thăm mơhnhôk ó rơdêi rak vế, pêi pro, tí tăng, tơkŭm vâ ‘mế, hnối vêh mơnhên inâi dêi kơxêng kiâ mô đô̆i hlâ xua hnoăng kring vế tơnêi têa” ôh tá xê to hnoăng cheăng lêng, cheăng kal kí ki krih tơviah mê ối cho hvêa chêng prôk, pêi pro dêi tuăn mơno ‘nâi koh mơnê, dêi hnoăng cheăng ƀă ai tuăn mơno mơjo khíu ƀă mâu ngế hiăng pleăng dêi hơnăm ối nếo nah ăm mơhúa Jâ Pôa xiâm kong têa.

VOV.Xơ Đăng - Khu ngăn Hnê hriâm ƀă Hnê mơjiâng tuăn ngoâ rơkê kong pơlê Dak Lak nếo pơkâ rah xo tơ’nôm lối 2.700 ngế hok tro mot hriâm lâm 10 mâu hngêi trung râ má pái phôh thong dêi tơnêi têa hơnăm hriâm 2026 – 2027.

VOV.Xơ Đăng - Hâi lơ 13/7, a Hà Nội, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa hiăng veăng hôp ƀă hnê mơhno a Rôh hôp má 2 dêi Khu hnê mơhno Tơnêi têa ‘na mơnhông túa lĕm tro Việt Nam.

VOV.Xơ Đăng - Kơxô̆ 28 ngế hdrêng hlâ xua tro klâk têa tung 6 khế apoăng hơnăm 2026 a kong pơlê Lâm Đồng, tung pơla mê klâk têa châ troh 90%, cho tơdroăng rơ-iêo ó khât. Ki rơ-iêo dêi tơdroăng kố môi xôh nếo châ mơdêk a kơlo ki rơ-iêo khât klêi kơ’nâi klâk têa nếo trâm ai a cheăm Nâm Nung, kong pơlê Lâm Đồng.