VOV.Xơ Đăng - Rơtế ƀă hok tro tung lâp tơnêi têa, lối rơpâu ngế a mâu kong pơlê hngế hngo dêi Tơnêi têa hiăng mot tung hơnăm hriâm nếo. Sap ing mâu cheăm tơkăng kong Tây Nguyên troh mâu hngêi trung hriâm a chuăn Trường Sa, idrâp hơkâ chuât pơxiâm ăm hơnăm hriâm nếo hiăng châ tôu, pơxiâm ăm môi hơnăm hriâm ƀă hên tơdroăng tơngah.

VOV.Xơ Đăng - Tỉnh ủi Dak Lak nếo tơkŭm po Hôp tơno tơdroăng kal trâm mâ kăn ƀô̆ ki châ rah pêi cheăng tung Khu pơkuâ, Khu hnê mơhno Tỉnh ủi ƀă mâu kăn pơkuâ ki xiâm dêi kong pơlê, hneăng hơnăm 2025 – 2030, 2026 – 2031.

VOV.Xơ Đăng - Tiô rơkong krếo thế dêi pôa Vladimir Putin, Kăn xiâm pơkuâ kong têa Rusi, hâi 7/9, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Kơdrâi pôa rơtế Khu râ kăn teăng mâ râ xiâm Việt Nam lo ing Hà Nội prôk troăng lăm pôu râ Tơnêi têa troh kong têa Rusi.

VOV.Xơ Đăng - Hâi lơ 6/9, tơbleăng a rôh Hôp tơrŭm cheăng pơla kong pơlê Việt Nam - Nhuk  hơnăm 2026 châ tơkŭm po a Huế, pôa Lê Minh Hưng, Ngế pro xiâm hnê ngăn tơnêi têa tối nhên, Việt Nam - Nhuk cho kong têa dế pêi cheăng tâk hên ƀă pơkuâ dêi troăng hơlâ pêi cheăng.

VOV.Xơ Đăng - Ing tơdroăng tơmâng khât dêi mâu kăn Đảng, Tơnêi têa ƀă tơdroăng hnê hriâm a kơpong xơpá châ mơhno nhên tung hâi mot hơnăm hriâm nếo hơnăm 2026-2027, drêng kăn xiâm hnê ngăn troh veăng leh, mơhnhôk mâu thái cô ƀă hok tro a mâu kơpong tơkăng kong, kong ngo,  chuăn rơlố kơdo mơ-eăm.

VOV.Xơ Đăng - Hơnăm hriâm kố, kong pơlê Lâm Đồng ai lối 830.000 ngế hok tro, tung mê lối 182.000 ngế hok tro hdroâng kuăn ngo. A kơpong hơngế hơngo, kơpong hdroâng kuăn ngo, tơdroăng ki hbrâ mot hơnăm hriâm nếo rơtế ƀă mâu hngêi trung châ 'no liăn mơjiâng pro lĕm, tơdroăng ki kơhnâ dêi thái cô, cho tơdroăng ki hơ'lêh nhên tung tơdroăng ki hlê plĕng dêi mâu rơpŏng hngêi. Tâi tâng dế pro chiâng môi tơdroăng ki nếo, vâ hok tro kơpong pá puât loi tơngah khên tơnôu mot hơnăm hriâm nếo ƀă hên rôh tơ'lêi hriâm tâp, mơnhông ƀă kơdo mơ-eăm.

VOV.Xơ Đăng -  Kơxê lơ 3/9, Khu pơkuâ Hnê hriâm ƀă Hnê mơjiâng tuăn ngôa rơkê kong pơlê Dak Lak tơkŭm po Hneăng hôp tơbleăng mâu pơkâ ‘na rah xo bro lế lĕm mâu tíu hnê hriâm ối tung Khu.

VOV.Xơ Đăng -  Kơxê hâi lơ 3/9, pôa Lê Minh Hưng, Ngế pro xiâm hnê ngăn tơnêi têa Pơkuâ rôh hôp Chin phuh tiah hmâ khế 8/2026.

VOV.Xơ Đăng - Sap ing chiâk deăng a Dak Lak, hên “rôh po kơchơ” nếo châ tơkŭm po; ôh tá ai kế ki hding a ‘ngêi, ôh tá kal ai tíu tê. Bu kal to môi to phôn râng kŏng, mâu ngế ki rơkê ‘na tơmeăm pêi lo ing chiâk deăng hiăng chiâng vâ djâ tơmeăm troh mâu ngế roê tung lâp lu mâu kơpong.  Mê cho mâu rôh livestream tung măng pơlê pơla - môi túa mơđah tơbleăng ƀă tê tơmeăm dế châ kăn pơkuâ ƀă kơvâ cheăng ki ai tơdjâk troh kal vâ ‘nâi plĕng.

VOV.Xơ Đăng - Kơmăng hâi lơ 3/9, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i tơdah pôa Olivier Brochet, Kăn teăng mâ Kŏng hòa Pơhlăng a Việt Nam troh koh pơ’lâng drêng troh tâi hneăng pêi cheăng a Việt Nam.