Ngế pro xiâm hnê ngăn tơnêi têa tối, tung pơla tơdroăng tung lâp plâi tơnêi ƀă tung kơpong ai hên ki pơ’lêh, péa tơnêi têa kal pơtối rak vế ki loi nhoăm dêi rơpó ‘na tơdroăng kal kí, po rơdâ tơrŭm cheăng krá khât, tơƀrê, péa pâ rơtế ai pơxúa. Tung mê, tơrŭm cheăng pơla mâu kong pơlê rak hnoăng cheăng ki kal, veăng ‘no hnoăng mơdêk tơdjêp, mơdêk trâm mâ tơpui ƀă kuăn pơlê ƀă pro tơ’nôm tơrŭm cheăng ăm khu mơdró.

Hneăng hôp hơnăm kố tơkŭm tơpui hên ‘na mâu kơvâ cheăng ki péa pâ ai hên tơmeăm khoăng môi tiah hnê ăm hên ngế pêi cheăng rơkê, ‘na khăm pơlât, túa lĕm tro ƀă ôm hyô. Kố xuân cho rôh vâ mâu kong pơlê dêi Việt Nam ƀă Nhuk trâm mâ tơpui tơno ƀă dêi rơpó tối ăm dêi rơpó túa pêi cheăng ki tơná hlê, tăng rôh tơ’lêi hlâu vâ tơrŭm cheăng nếo.

Pôa Lê Minh Hưng, Ngế pro xiâm hnê ngăn tơnêi têa tối, Việt Nam ngăn Nhuk cho tơnêi têa tơrŭm cheăng ki kal, púi vâ rơtế ƀă Nhuk djâ tơrŭm cheăng rế trâu lĕm tâ, pro pơxúa ăm kuăn pơlê ƀă khu mơdró péa tơnêi têa.