VOV.Xơ Đăng - Kơxo lơ 10/9, a Plông kân Cung Nhà nước, pơlê kong xiâm U-lan-ba-tor, pôa Sandag Byambatsogt, Kăn xiâm hnê ngăn Kuô̆k hô̆i ƀă kơdrâi pôa pơkuâ leh tơdah kân krip pôa Trần Thanh Mẫn, Kăn xiâm hnê ngăn Kuô̆k hô̆i ƀă jâ Nguyễn Thị Thanh Nga, Kơdrâi pôa rơtế Khu râ kăn xiâm tơnêi têa pin lăm pôu păng ‘nâng kong têa Mông Cổ.

VOV.Xơ Đăng - Pôa Lê Minh Hưng Ngế pro xiâm hnê ngăn tơnêi têa pơkuâ hôp pêi cheăng ƀă Khu xiâm rak liăn ngân rơtế ƀă mâu khu xiâm, kơvâ cheăng tơdjâk troh vâ tơmâng tối tơbleăng ăm hnê tối a mâu troăng hơlâ ki kân, ki kal vâ pro klêi Hồ sơ mâu tơdroăng tơkêa bro Luât.

VOV.Xơ Đăng - Tung măng tĭng apoăng mot tung hngêi trung nếo a kơpong tơkăng kong peăng mâ hâi Lâ kong pơlê Quảng Ngãi, mâu hok tro lâm 1 ối hên tơdroăng ki tá hâi hmâ sap ing kâ, koi troh mâu tơdroăng pêi pro ki apoăng. Mâu thái cô rế hnê chư, rế rak ngăn, gum mâu vâi o rế hía rế hmâ ƀă tíu hriâm tâp nếo.

VOV.Xơ Đăng –Vi ƀan kong pơlê Dak Lak pơkâ mâu cheăm, bêng pêi pro troăng hbrâ ví kong mêi kân mâu hâi la ngiâ.

VOV.Xơ Đăng - Dak Lak hiăng mơ’no lối 1.035 rơtal liăn ăm khoa hok kŏng ngê̆, pơhlêh nếo tơmiât pêi rơkê ƀă pơhlêh cheăng chiâng xúa kơmăi tĭnh măng internet hơnăm 2026, laga troh nôkố hên tơdroăng tơkêa bro xuân tá hâi mơ’no liăn.

VOV.Xơ Đăng - Klêi kơ’nâi mơgêi mâu tơdroăng tung rôh lăm pôu pêi cheăng râ Tơnêi têa troh a kong têa Rusi, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă kơdrâi pôa rơtế ƀă khu râ kăn teăng mâ râ xiâm Việt Nam lo ing pơlê kong xiâm Moskva tơkŭm po rôh lăm pôu pêi cheăng păng ‘nâng troh a kong têa Kŏng hoa Pơhlăng ƀă veăng Hneăng hôp khu râ kăn xiâm ngăn ‘na rơvâ plêng a Paris sap hâi lơ 9 troh hâi lơ 12/9/2026 tiô rơkong krếo thế dêi pôa Emmanuel Macron, Kăn xiâm pơkuâ kong têa Pơhlăng.

VOV.Xơ Đăng - Tung rôh pôu păng ‘nâng Mông Cổ, kơxê hâi lơ 9/9, pôa Trần Thanh Mẫn, Kăn xiâm hnê ngăn Kuô̆k hô̆i prế kơdrâi pôa rơtế ƀă Khu râ kăn xiâm Việt Nam hiăng trâm mâ kăn ƀô̆, mâu ngế pêi cheăng Kăn teăng mâ ƀă kuăn pơlê Việt Nam a Mông Cổ.

VOV.Xơ Đăng - Mơdêk rĕng tơdroăng tăng tơnêi, tah lôi mâu tíu ki kreăng, tơvâ tơvân vâ mơdêk rĕng tơdroăng mơjiâng pro tơmeăm khoăng, tơdroăng tơkêa bro ki kal ƀă mơ'no liăn cheăng dêi tơnêi têa dế châ kong pơlê Dak Lak pơkâ nhên, cho hnoăng cheăng ki kal tung mâu khế mơ'nui hơnăm. Ing tơdroăng ki ai khât tung tơbleăng pêi, kong pơlê dế pơhlêh rơdêi túa pơkâ hnê mơhno ing séa ngăn tơdroăng pêi pro troh séa ngăn rêm tơdroăng tơkêa bro, tơleăng rêm hồ sơ, nhên mơngế, nhên hnoăng cheăng, nhên hâi khế ƀă nhên tơdroăng cheăng.

VOV.Xơ Đăng - Kong mê kân mê ton hâi, têa ing kơnhŏng hiu troh pro lân lu, tơnêi tơhnah tơhnâp klêh a troăng ƀă hlối tơdjâk troh cheăng kâ a hên cheăm bêng a Gia Lai, Dak Lak; ai mâu kơpong ki ‘nâ athế hbrâ rơnáu ‘mâi xê̆n kuăn pơlê, ăm hok tro pơtê hriâm vâ tơniăn.

VOV.Xơ Đăng - Kơxo hâi lơ 9/9, a tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ hôp ƀă Khu xiâm ngăn chiâk deăng ƀă hyôh kong prâi, Khu xiâm mơ jiâng tơmeăm khoăng ƀă mâu khu xiâm, kơvâ cheăng ki tơdjâk troh tơdroăng tơpui ‘na hlá mơ-éa luât ki kal.