Tơmâng mâu rơkong tơpui tối dêi kuăn pơlê Việt Nam a Mông Cổ, teăng mâ kăn pơkuâ hnê ngăn Đảng, Tơnêi têa, pôa Trần Thanh Mẫn, Kăn xiâm hnê ngăn Kuô̆k hô̆i pơtroh tâi tâng kăn ƀô̆, mâu ngế pêi cheăng Kăn teăng mâ rơtế ƀă tâi tâng kuăn pơlê Việt Nam a Mông Cổ rơkong kơ-êng, rơkong rơkâu ivá ƀă rơkâu hâk ki tơniăn lĕm.

Tối nhên Đảng ƀă Tơnêi têa đi đo tơmâng ngăn chêh pro klêi troăng hơlâ tŏng gum mâu ngế Việt Nam a kong têa ê, Kăn xiâm hnê ngăn Kuô̆k hô̆i ăm ‘nâi, mâu rơkong pâ thế, xơpá dêi vâi krâ kuăn pơlê kô châ séa ngăn vâ ai mâu troăng hơlâ tŏng gum tơtro vâ thăm mơdêk tơrŭm cheăng pơla péa tơnêi têa xuân môi tiah tŏng gum tơniăn tro tâ ăm kuăn pơlê Việt Nam a Mông Cổ.