Rôh lăm pôu păng 'nâng kong têa Pơhlăng dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa cho rôh vâ Việt Nam ƀă Pơhlăng mơdêk tâ nếo tơrŭm cheăng tung mâu kơvâ cheăng ki Pơhlăng ai ivá rơdêi môi tiah on tơhrik, hngêi trăng, troăng klông ki kal, troăng klông kơphô̆, tơƀai kơneăng, hbrâ ví ƀă kong prâi hơ'lêh; tơdrêng amê, po rơdâ troh mâu kơvâ cheăng tơtro ƀă pơkâ mơnhông dêi Việt Nam môi tiah: khoa hok, kŏng ngê̆, tơƀai kơneăng, kŏng ngê̆ kum pơ'lêh pêi cheăng xúa mơmăi tĭnh măng internet, tuăn ngoâ rơkê xua kuăn mơngế bro.

Rôh lăm pôu kô veăng kum mơdêk tơrŭm cheăng Khu tơrŭm cheăng ton xŏn tâi tâng pơla Việt Nam ƀă Pơhlăng mot trâu hơngế, ai pơxúa, châ tơƀrê. Ing mê, veăng kum mơjiâng ivá nếo ăm tơdroăng mơnhông mơdêk dêi Việt Nam vâ mơjiâng tơnêi têa kro mơdrŏng tung la ngiâ achê kố ƀă mơnhên hnoăng cheăng ki lĕm tro dêi Việt Nam a kong têa ê.