Rôh hôp hiăng tơpui ‘na tơdroăng pê klêi 3 hlá mơ-éa luât: Luât tơnêi ‘mâi hơ’lêh, Luât hngêi ối ƀă Luât tê mơdró tơnêi tơníu ki ‘mâi hơ’lêh. Ngế pro xiâm hnê ngăn tơnêi têa tối nhên 3 tơdroăng tơkêa bro  luât ai tơrŭm krá, rak ki kal tung po troăng ‘na tơnêi tíu, mơnhông mơdró tơnêi tíu, hngêi ối ƀă mơnhông châ pêi tâk ‘na cheăng kâ.

Chin phuh tối hdrối, kô tơkŭm po hôp tơdroăng kal mơjiâng luât a hâi lơ 15/6 vâ ăm hnê tối hdrối vâ pơ troh ăm Kuô̆k hô̆i. ‘Na tơnêi tíu, Ngế pro xiâm hnê ngăn tơnêi têa pơkâ thế pê klêi mâu pơkâ ‘na pơcháu, ăm mung tơnêi, tơbleăng tơ’noăng yă, tăng pơkâ yă tơnêi ƀă xoăng ki pơxúa tâk tơ’nôm ing tơnêi xua pơkâ hdró pro ăm; hlối hơ’lêh tuăn tơmiât xo tơvêh tơnêi, sap ing chêl thiăn tơmeăm khoăng troh ‘mâi mơnhông tơdroăng rêh ối dêi kuăn pơlê.

‘Na hngêi ối kal pêi ahdrối mơnhông pro hngêi ối tơdjuôm, kơdroh xoăng lô tê tơnêi tung kơphô̆ kân, pro xiâm luât tơ’mot khu ‘no liăn pro hngêi ối ăm mung ƀă séa ngăn xiâm ki pêi pro, vâ pro pơxúa ăm tơná ing luât pơkâ tŏng gum.