VOV.Xơ Đăng - Kong măng lơ 13/9, pôa Lê Minh Hưng, Ngế pro xiâm hnê ngăn tơnêi têa rơtế ƀă khu râ kăn xiâm Việt Nam hiăng vêh troh Hà Nội, mơgêi tơniăn lĕm rôh pêi cheăng cho veăng hôp a Rôh hôp khu râ kăn xiâm BRICS 18 ƀă pêi cheăng pơla péa pâ Ấn Độ.

VOV.Xơ Đăng - A bêng Plei Ku, Kŏng an kong pơlê Gia Lai tơkŭm po Hneăng hôp KOL, Quản trị viên kong pơlê Gia Lai hơnăm 2026 ƀă dó inâi "Kong ngo tơdjêp têa kơxĭ ngiât - Troh lâp lu Tơdroăng loi tơngah kơxô̆". Klêi kơ'nâi môi hơnăm mơjiâng tơdroăng tơdjêp, mâu ngế ki rơkê plĕng tung măng pơlê pơla a Gia Lai dế veăng kum tối tơbleăng tơdroăng ki ôh tá tro, mơdât tơdroăng ki ôh tá lĕm tro tơƀrê tâ, veăng kum mơjiâng tơdroăng rêh ối kơxô̆ tơniăn, lĕm tro.

VOV.Xơ Đăng - Drêng troh tơbâ 81 hơnăm hâi peăng hdroh xông pơplâ (23/9/2026), kơxê hâi lơ 13/9, pôa Trần Thanh Mẫn, Kăn xiâm hnê ngăn Kuô̆k hô̆i hiăng troh lăm pôu, pêi cheăng ƀă Khu lêng Tuk tí tăng ngăn vâ ‘nâi mâu tơdroăng dêi Khu Lêng tuk mui 189, a Đông lêng Cam Ranh, kơpong 4 Lêng tuk, kong pơlê Khánh Hòa.

VOV.Xơ Đăng - Klêi kơ’nâi péa hâi tơ’noăng, 10 tung kơxô̆ 25 tơdroăng tơkêa bro a rôh tơ’noăng mơgêi Hneăng tơdroăng Pơxiâm pêi cheăng krúa lĕm rôh má 12 hơnăm 2026 kơpong Tơdế tơnêi têa - Tây Nguyên hiăng châ tơbriât hnoăng châ tơ’noăng mơgêi tung lâp tơnêi têa, mê ai 4 tơdroăng tơkêa bro Bảng A ƀă 6 tơdroăng tơkêa bro Bảng B.

VOV.Xơ Đăng - Việt Nam dế chôa 'lâng pơhlêh rơdêi ing tơdroăng ki mơdêk kơnôm ing tơmeăm ki ai hlâu chiâng mơnhông mơdêk kơnôm ing khoa hok kŏng ngê̆, tơdroăng chêh 'măn mâu tơdroăng, ki dâi lĕm dêi kế tơmeăm ƀă ivá tơxup tơbriât. Tung kơvâ pêi chiâk deăng, tơdroăng ki pơhlêh mê dế châ mơhno ăm hlo rế hía rế nhên ing túa ki tơkŭm pêi pêt, mơjiâng kơpong pêt, tí tăng 'nâi plĕng ƀă hbrâ rơnáu pêi pro mâu tơdroăng ki rơhêng vâ rế hía rế châ tơrŭm hên ƀă kơchơ tê mơdró lâp plâi tơnêi. Ing Tây Nguyên, mâu túa pêi cheăng ƀă túa pêi cheăng ki nếo dế veăng 'no hnoăng ki nhên ăm tơdroăng ki pơhlêh mê.

VOV.Xơ Đăng - Sap ing apoăng hơnăm troh nôkố, a kong pơlê Dak Lak hiăng ai lối 6.100 ngế tro tơngê lo mơheăm, vâ chê 1.500 ngế tro pơreăng thĕn kŏng chêng rơkong ƀă lối hrĭng ngế tro pơreăng lo kơtúa ‘mêi, tung mâu ngế ki tro mê ki hên cho hok tro. Hlo tơdroăng kố, mâu hngêi trung hriâm ƀă kơvâ cheăng ai tơdjâk thăm pơtroh mâu troăng hơlâ, hbrâ mơdât, rak vế tơniăn krúa lĕm tíu ối vâ kơdroh pơreăng xông tâ tú.

VOV.Xơ Đăng -  Hâi lơ 10/9, a bêng Ƀuôn Ma Thuột, kong pơlê Dak Lak tơkŭm po Hôp tơno tơdroăng kal mơdêk tê ngi kong têa ê tơmeăm ki xiâm dêi kong pơlê tung kơchơ mơdró Halal (mâu tơmeăm tro tiô pơkâ ‘na ôu kâ ƀă rak  tiô tơdroăng khôp Islam); tơdrêng amê pơtâng tối ‘na Tơdroăng pơkâ VIFTA ƀă CEPA hơnăm 2026.

VOV.Xơ Đăng -  Hâi lơ 10/9, tung rôh lăm pôu pêi cheăng păng ‘nâng a kong têa Mông Cổ, pôa Trần Thanh Mẫn, Kăn xiâm hnê ngăn Kuô̆k hô̆i hiăng trâm mâ tơpui tơno ƀă pôa Nem-o-so Ô-chờ-ran, Ngế pro xiâm hnê ngăn kong têa Mông Cổ hlối pro Kăn hnê ngăn Đảng Nhân yân Mông Cổ.

VOV.Xơ Đăng - Hâi lơ 10/9, a Paris, kong têa Pơhlăng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng ai ƀai xông tơpui pơxiâm po Rôh hôp tơpui tơno 'na tơdroăng ki kal dêi khu râ kăn xiâm 'na tơdroăng pơxá "Mơjiâng tíu ki nếo tung hyôh kong prâi nếo xua môi tơnêi têa pơ'lêh rĕng" tung rôh hôp khu râ kăn xiâm lâp plâi tơnêi a rơvâ plêng.

VOV.Xơ Đăng - Tung 8 khế hiăng hluâ, kong pơlê Khánh Hòa tơdah lối 18 rơtuh roh tơmối, tâk vâ chê 40% tâng pơchông ƀă roh kố hơnăm nah.