VOV.Xơ Đăng - Tung rôh lăm pêi cheăng veăng Hôp mâu kăn Xiâm tơbâ 35 hơnăm tơrŭm cheăng pơla ASEAN - Rusi, pôa Lê Minh Hưng, Ngế pro xiâm hnê ngăn tơnêi têa ƀă hên mâu kăn xiâm hiăng veăng hôp tơpui tơdroăng tơdjêp Tê mơdró  ƀă ‘no liăn pêi cheăng  pơla Việt Nam - Rusi.

VOV.Xơ Đăng - Vi ƀan Kuăn pơlê kong pơlê Gia Lai nếo tơbleăng thế pêi tơdroăng ok ƀê tong pro troăng kân tung thôn pơla hơnăm 2026- 2030 ƀă tâi tâng kơxô̆ liăn lối 1.165 rơtal liăn ing kơxô̆  liăn ‘no mơjiâng pro tơmeăm khoăng ton hơnăm vâ pro klêi troăng prôk, pơxúa ăm mơnhông cheăng kâ - pơlê pơla tung kơpong thôn pơlê nếo.

VOV.Xơ Đăng - Hâi lơ 17/6 tung rôh Hôp khu râ kăn xiâm tơbâ 35 hơnăm tơrŭm ASEAN – Rusi, pôa Lê Minh Hưng, Ngế pro xiâm hnê ngăn Chin phuh hiăng pơkuâ djâ Khu râ kăn xiâm Việt Nam veăng hôp ƀă tơpui a Rôh pơxiâm po Hneăng hôp Tê mơdró ASEAN – Rusi.

VOV.Xơ Đăng - Hâi lơ 17/6, Khu ki lăm ngăn dêi Vi ƀan Túa lĕm tro ƀă Rêh ối pơlê pơla dêi Kuô̆k hô̆i hiăng pêi cheăng ƀă mâu râ, kơvâ cheăng kong pơlê Dak Lak ‘na tơdroăng pêi pro troăng hơlâ, luât rak vế vâi hdrêng tung troăng măng.

VOV.Xơ Đăng -  Kơxê lơ 17/6, pôa Lương Nguyễn Minh Triết, Kăn cheăng tung Tíu xiâm Đảng, Kăn pơkuâ hnê ngăn cheăng Đảng kong pơlê, Kăn pơkuâ Khu râ kăn teăng mâ Kuô̆k hô̆i kong pơlê Dak Lak hiăng troh lăm pôu, rơkâu Kơ koan teăng mâ Kơpong Tây Nguyên, Rơ’jíu Việt Nam klăng leh tơbâ 101 hơnăm Hâi hlá tơbeăng Kăch măng Việt Nam.

VOV.Xơ Đăng - Kơxê lơ 17/6, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ rôh pêi cheăng ƀă Hnê mơhno má môi Khu hnê mơhno Mơgêi 100 hơnăm Đảng pơkuâ Kăch măng Việt Nam (1930 – 2030), mơnhên troăng prôk la ngiâ pơkuâ mơnhông Tơnêi têa tung 100 hơnăm pơtối (1930 – 2030) ƀă mơgêi 40 hơnăm pêi pro Cương lĩng mơjiâng Tơnêi têa tung rơxông to Chuh ngiah xah hô̆i.

VOV.Xơ Đăng - Tung rôh lăm pôu kong têa Rusi veăng hôp mâu Kăn xiâm drêng troh tơbâ 35 hơnăm ASEAN - Rusi, pôa Lê Minh Hưng Ngế pro xiâm hnê ngăn Chin phuh hiăng trâm pôa Rustam Minnikhanov, ngế pơkuâ Kŏng hoa Tatarstan a pơlê kong kân Kazan.

VOV.Xơ Đăng - Drêng troh tơbâ 101 hơnăm Hâi Hlá tơbeăng Kăch măng Việt Nam lơ 21/6, hên kơ koan, tíu pêi cheăng, khu mơdró hiăng troh lăm pôu ƀă rơkâu Rơ’jíu xiâm Việt Nam (VOV), tối nhoăm ƀă mâu hnoăng veăng ‘no dêi Rơ‘jíu tung tơdroăng cheăng tối tơdroăng nếo ai, hnê ƀă púi vâ pơtối mơdêk tơrŭm cheăng tung la ngiâ.

VOV.Xơ Đăng - Hâi lơ 17/6, pôa Lê Minh Tiến, Ngế pơkuâ ngăn Kơpong rak tơmeăm khoăng kong kế Ea Sô, kong pơlê Dak Lak ăm ‘nâi, nếo châ hlo mêm ƀă ro kong tung kơpong rak ngăn tơmeăm khoăng kong kế.

VOV.Xơ Đăng - Hneăng hôp Khu kăn vâi kơdrâi Lâp tơnêi têa rôh má XIV, pơla hơnăm 2026 – 2031 ing hâi lơ 17/6 troh 18/6/2026 a Hà Nội.