Jâ Võ Thị Ánh Xuân, Phŏ kăn xiâm hnê ngăn tơnêi têa hiăng hbru 210 kơxu tơmeăm Trung thu ăm mâu vâi hdrêng ki dế pơlât, ‘mâi mơnhông ivá mo lĕm a Hngêi pơkeăng 200 rơtuh liăn. Tơpui tơno, kơ-êng hơlêm vâi o ki chó chêng plôm mâ mơ-eăm pơlât. Phŏ kăn xiâm hnê ngăn tơnêi têa pơtroh rơkong rơkâu vâi o hâi Têt Trung thu lĕm ro, tơtô; pơtối loi nguăn, mơ-eăm pơlât prêi, pơtâp ivá vâ rĕng mo lĕm.

Tối nhên vâi hdrêng cho mâu ngế tung la ngiâ dêi tơnêi têa, jâ Võ Thị Ánh Xuân, Phŏ kăn xiâm hnê ngăn tơnêi têa pâ thế tơdroăng kring vế, rak ngăn ƀă mơdêk ivá mo lĕm ăm vâi hdrêng kal pơtối châ tơmâng khât, pêi hdrối. Pakĭng mê, pâ thế rêm râ, kơvâ cheăng, khu tơrŭm, mâu ngế pơtối tơmâng, tơdjuôm ivá tơmâng khât tâ ăm mâu vâi hdrêng ki chó chêng tơvê kŏng, vâi o kơtiê xơpá, pro hlâu ăm mâu vâi o châ hriâm tâp, rak ngăn ivá, tơrŭm tung kuăn pơlê ƀă mơnhông tâi tâng.