Pơtối mê, 20 to hngêi trung râ má pái châ tơ’mot chiâng môi, mơjiâng chiâng 10 hngêi trung râ má pái nếo, mê cho: Buôn Hồ, Buôn Ma Thuột, Chu Văn An, Cư M’gar, Ea H’leo, Nguyễn Bỉnh Khiêm, Nguyễn Huệ, Trần Quốc Tuấn, Lê Trung Kiên ƀă Krông Ana. Ƀă mâu Tíu xiâm hnê cheăng pêi - Hnê hriâm đi đo, 10 tíu xiâm châ tơ’mot chiâng môi, mơjiâng chiâng 3 tíu xiâm nếo cho Buôn Hồ, Krông Pắc ƀă Tuy An.

A hôp tơno tơdroăng kal, Khu pơkuâ Hnê hriâm ƀă Hnê mơjiâng tuăn ngôa rơkê xuân tơbleăng, diâp pơkâ rah xo kăn ƀô̆ pơkuâ a mâu tíu cheăng nếo. Xông tơpui a hôp tơno tơdroăng kal, jâ Lê Thị Thanh Xuân, Kăn ngăn ‘na Hnê hriâm ƀă Hnê mơjiâng tuăn ngôa rơkê Dak Lak tối ăm ‘nâi, tơdroăng rah xo bro lế lĕm tíu hnê hriâm, mơdêk châ tơƀrê pơkuâ, xúa tơmeăm khoăng ƀă khu pêi cheăng; kơdroh ƀiên chê̆ pơkuâ, mơdêk mơngế hnê hriâm, ing mê, gum mơdêk ki dâi lĕm hnê hriâm.