Klêi kơ'nâi tơmâng mâu tơdroăng tối tơbleăng ƀă mâu rơkong tơpui tối, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, klêi kơ'nâi 15 hơnăm pêi pro mơjiâng, 'mâi rơnêu Đảng, pơkâ mơ'no ôh tá xê to châ hlo, pơxâu phak mâu tơdroăng pro xôi mê ki kân tâ cho mơjiâng ivá cheăng hbrâ mơdât, hơ'lêh dêi, 'mâi rơnêu, 'mâi mơnhông đi đo. Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, ivá rơdêi dêi Đảng ki hdrối tâ cho thế rơkê ‘nâi kơnó, 'mâi rơnêu, ôh tá ăm ai tơdroăng pro xôi pơtối.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, Hlá mơ-éa pơkâ ki nếo thế pro pơ'lêh khât: khu tơrŭm cheăng Đảng thế rơdêi tâ, chi ƀô̆ thế lĕm tâ, ngế ki ối a ko tŭm ivá mơjiâng, tơkŭm mơnhông mơdêk khu cheăng, khu pêi cheăng tơniăn lĕm, hnoăng pơkuâ séa ngăn krá tơniăn, mâu tơdroăng ki tơxâng dêi kuăn pơlê châ tơleăng teăm tơdrêng.

Xua mê, thế mơjiâng môi tơdroăng pơkâ tro tơdroăng, tơƀrê, pro pơ'lêh rơdêi, mơdêk ivá pơkuâ hnê mơhno dêi Đảng, tơxâng pơkâ mơnhông mơdêk tơnêi têa tung rơxông nếo.