A rôh pêi cheăng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, tơdroăng mơgêi Tơdroăng xiâm tơbleăng a rôh hôp kơxô̆ 26 thế mơnhên ôh tá tơdjâk pakong, tâi tâng tơdroăng châ tơƀrê ki châ, mơhno inhên mâu tơdroăng ki kơdroh, ki ối pá ƀă xiâm kối; tơdrêng xo vế mâu ƀai hriâm ki rơkê tơtro, pro xiâm kối vâ pơkâ mâu troăng pơkâ pêi, troăng pêi ‘na tơdroăng rah xo kăn ƀô̆ tung hneăng nếo.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ tơdroăng mơgêi kal pêi tiô tơdroăng nôkố, ki má lối cho mâu tơdroăng nếo ai tung tơdroăng rah xo khu râ kăn pêi cheăng tơnêi têa, xing xoăng râ, xing xoăng hnoăng ƀă hlối ăm pêi cheăng khu râ kăn pơkuâ kong pơlê.  Tơdroăng ki xiâm mơgêi thế pêi inhên mâu tíu ki ối kreăng, mâu pơkâ ôh tá tơtro vâ pâ thế ‘mâi rơnêu, tơ’nôm.

Tơdrêng amê, kal pơtối pơhlêh nếo ó rơdêi tơdroăng pêi cheăng kăn ƀô̆ tiô troăng rah xo tro mơngế, pơcháu tro tơdroăng cheăng, mơnhên kăn ƀô̆ ƀă tơdroăng pêi pro hnoăng cheăng cheăng; tơtrŏng mơjiâng khu kăn ƀô̆ ai ihiâm mơno tơnôu kal kí, ihiâm mơno lĕm, ivá pêi pro tơdroăng nôkố, tơxâng pơkâ mơnhông tơnêi têa tung hneăng nếo.