Tơdroăng tơkêa bro mơjiâng pro a cheăm Phú Hòa 2, a ƀăng tơnêi lối 8 ha. Hâi khế mơjiâng pro ƀă djâ tơmeăm ki mơjiâng pro châ xúa tiô tối hdrối tung 12 khế sap ing châ pơcháu tơnêi. Drêng pêi cheăng, hngêi kơmăi tiô tối hdrối kô mơ'no dâng 150 rơtuh kWh on tơhrik rêm hơnăm. Vi ƀan hnê ngăn kong pơlê Dak Lak pơkâ thế khu mơ'no liăn cheăng tơkŭm ivá, rak tơniăn tơdroăng pêi pro, pêi tiô mâu pơkâ 'na tơnêi tơníu, kong kế, hyôh kong prâi; tơdrêng amê rak tơniăn tơdroăng rêh ối pơlê pơla, gâk kring tơniăn a kơpong tơbleăng tơdroăng tơkêa bro.

Tơdroăng tơ'mot khu mơ'no liăn cheăng mâu tơdroăng tơkêa bro on tơhrik ki vêh pro, tung mê ai on tơhrik kơtâu ƀă khía, châ pói tơngah veăng kum mơdêk tơtêk ngiât ƀă mơnhông krá tơniăn a Dak Lak.