Pôa Trần Cẩm Tú, Kăn cheăng tung Khu xiâm kal kí, Khu hnê mơhno má môi Khu pơkuâ tơdroăng cheăng Đảng, Kăn pơkuâ hnê ngăn Đảng ủi mâu kơ koan Đảng Tíu xiâm tơnêi têa pơkuâ Hôp tơno tơdroăng kal tơnêi têa. Mâu kăn teăng mâ tơpui tơno tối tơbleăng tơdroăng châ tơƀrê tơdroăng pêi cheăng khế 8, hnoăng cheăng ki xiâm khế 9; tơdroăng mơjiâng phân mêm pơkuâ tơdroăng cheăng ƀă mơnhên kăn ƀô̆ tung Đảng ƀô̆.

Hôp tơno tơdroăng kal xuân tối ‘na pơkâ pêi 5 tơdroăng xiâm tơbleăng a rôh hôp ƀă 1 pơkâ dêi Khu xiâm kal kí; mâu troăng pêi mơdêk hôp chi ƀô̆ tiô Pơkâ kơxô̆ 50 dêi Khu pơkuâ tơdroăng cheăng Đảng. Tung khế 9, Đảng ủi mâu kơ koan Đảng Tíu xiâm tơnêi têa tơkŭm hbrâ Hôp tơno tơdroăng kal Tíu xiâm tơnêi têa 4 hneăng má 14; pêi pro rĕng pơhlêh xúa kŏng ngê̆ tung Kơvâ Tơkŭm po mơjiâng Đảng; pro krúa lĕm, pro tro ‘noăng chư chêh đảng viên, pro hô sơ tung kơmăi tĭnh ƀă pêi pro 4 mơ-éa chêh dêi đảng viên tung điê̆n tưh. Tơdrêng amê, pơtối xúa Sổ tay đảng viên ƀă hriăn plĕng pêi pro pơkâ rah diâp Mê dái Đảng tung phân mêm ‘noăng chư chêh đảng viên 4.0.