A rôh tơpui tơno, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, Việt Nam môi tuăn ngăn nhuô̆m tơrŭm cheăng ƀă Hàn Quốc, rơhêng vâ tơrŭm cheăng péa tơnêi têa pơtối mơnhông ai pơxúa tơƀrê, krá ton, tơxâng ƀă kong têa tơrŭm cheăng tung la ngiâ tŭm têk.

‘Na troăng pơkâ tơrŭm cheăng tung la ngiâ, péa pâ môi tuăn pơtối ‘mâi mơnhông loi khât tung cheăng kal kí; thăm mơdêk tơrŭm ai pơxúa tung mâu kơvâ cheăng lêng, gâk kring, tơpui kâ; mơdêk tơrŭm cheăng kâ, tê mơdró, ‘no liăn cheăng, tơmiât troh pơkâ pêi mơdêk kơxô̆ liăn pêi lo ing tê mơdró pơla péa pâ tâk troh 100 rơtal USD tung hơnăm 2026 ƀă 150 rơtal USD a hơnăm 2030 tiô troăng tơdâng, ai pơxúa; mơdêk tơrŭm cheăng ‘na khoa hok, kong ngê̆ ƀă pro tơ’lêi hlâu vâ Việt Nam veăng tơrŭm tung mâu tơdroăng tơkêa bro bán dẫn, AI dêi Hàn Quốc.