A rôh tơdah, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối ăm 'nâi, ƀă tơdroăng pơkâ mơnhông tung chal nếo, klêi Hneăng hôp 16 dêi Đảng Kŏng san Việt Nam hiăng tơbleăng hên Pơkâ ki kal ƀă pói vâ Đảng Kŏng san kong têa Rusi ƀă mâu khu tơrŭm cheăng Đảng ki ê dêi Rusi kô pơtối tŏng kum ó rơdêi, tơrŭm krá tơniăn ƀă Đảng Kŏng san Việt Nam vâ djâ tơrŭm cheăng péa Đảng, péa Tơnêi têa tâk troh a râ ki nếo, rế hía rế trâu rơdâ, châ tơƀrê.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa loi tơngah tơrŭm cheăng pơla péa Đảng kô pơtối veăng 'no hnoăng mơnhông mơdêk rơdêi, krá tơniăn dêi péa tơnêi têa ƀă tơdroăng 'mâi mơnhông tơdroăng mơhnhôk kŏng san ƀă kŏng nhân lâp plâi tơnêi, tơdrêng amê hlối veăng 'no hnoăng kal pro hơniâp lĕm, tơniăn, mơnhông mơdêk krá tơniăn dêi kơpong ƀă lâp plâi tơnêi.