Tơheăm khế hơnăm 2026, cheăng kâ - rêh ối pơlê pơla dêi kong pơlê Khánh Hòa pơtối rak vế tơdroăng ki mơnhông tơƀrê. Tung mê, tê mơdró, cheăng ƀă kơmăi kơmok ƀă ôm hyô ai hnoăng veăng 'no kân ƀă tâi tâng kơxô̆ liăn tê tơmeăm ƀă kơxô̆ liăn pêi lo ing tê mơdró châ lối 156.000 rơtal liăn, tâk vâ chê 20% tâng vâ pơchông ƀă roh kố hơnăm nah. Tơmối ôm hyô châ 18 rơtuh ngế, tâk vâ chê 40%; kơxô̆ liăn châ xo ing ôm hyô châ lối 60.000 rơtal liăn, tâk 19.2%.

Tung túa pơkâ mâu khế mơ'nui hơnăm, kong pơlê Khánh Hòa mơnhên ôm hyô, mơjiâng, 'no liăn cheăng ƀă kơmăi kơmok cho mâu kơvâ cheăng ki kal tơkŭm vâ 'mâi mơnhông ki ôh tá tơtêk. Mâu kong pơlê a Khánh Hòa dế rĕng pro klêi rôh ki hên má môi 90 hâi tơbriât tơnêi, tah lôi mâu tíu ki kreăng 'na tơnêi tơníu, pro hlá mơ-éa 'no liăn cheăng, ing mê mơdêk 'no liăn cheăng tơdjuôm.