Tŭm péa ngế pơrá tơdjâk tro chó, miếo la ôh tá châ pâk pơkeăng vaccine hbrâ mơdât pơreăng kôk rơxok klêi tro tâ pơreăng. Tơdroăng ki má môi cho o kơnốu K.S. (6 hơnăm), ối a pơlê Đoàn Kết Ó-Kly, cheăm Ia Tôr, kong pơlê Gia Lai. Tơdroăng ki má péa o kơdrâi K.P.T (4 hơnăm), ối a thôn Ia Kênh, cheăm Gào xuân hlâ ƀă mâu tơdroăng ki ăm hlo dêi pơreăng kôk rơxok.

Tiah mê, sap ing apoăng hơnăm 2026 troh nôkố, Gia Lai hiăng ai 5 ngế hlâ xua pơreăng kôk rơxok. Kơvâ ngăn pơkeăng ƀă khăm pơlât Gia Lai hnê tối, drêng tro chó, miếo kâ, kơ'viêo lơ kơ'viêo a kơpong kéa ki tro rong, kuăn pơlê kal xếo krúa lĕm tíu tro rong ƀă kơƀŏng a têa, xếo ƀă pơkeăng kơdê pơreăng ƀă lăm troh a hngêi pơkeăng vâ châ hnê tối, pâk vaccine, huyết thanh kháng dại drêng ai pơkâ.