Ƀă kơvâ khăm pơlât, Ngế pro xiâm hnê ngăn tơnêi têa pơkâ thế pơkâ tơdroăng rêh ối, ivá kuăn pơlê ƀă ki pơxúa dêi kuăn pơlê a ngiâ tâ; ôh tá ăm hngêi pơkeăng ôh tá ai tơmeăm khăm pơlât, lơ kuăn pơlê ôh tá ai pơkeăng ôu pơlât xua tơvâ tơvân 'na troăng hơlâ. Ngế pro xiâm hnê ngăn tơnêi têa pơkâ thế séa ngăn, 'mâi rơnêu mâu tơdroăng pơkâ tơdjâk troh pơkuâ tơmeăm khăm pơlât, pơkeăng pơlât; kơdroh tơdroăng ki tơkôm, kơdroh kơxô̆ liăn 'no, yă pơkeăng ƀă tơmeăm khăm pơlât, tơdrêng amê rak tơniăn ki dâi lĕm ƀă tơƀrê drêng rôe tơmeăm.

Ngế pro xiâm hnê ngăn tơnêi têa xuân pơkâ mơjiâng troăng pêi phuâng lĕm, tơdrăng, pơkuâ châ tơƀrê, ôh tá ai tơdroăng kăn ƀô̆ xâu hnoăng, ôh tá khên pơkâ, tơdrêng amê mơdât tơdroăng pro pơxúa ăm dêi tơná ing troăng hơlâ vâ châ pơxúa ăm dêi tơná. Pơkâ má mơ’nui cho tơniăn kuăn pơlê ôh tá châ ăm pơkeăng pơlât ƀă tơmeăm khăm pơlât dâi lĕm, ƀă kơxô̆ liăn tơtro, gum mơdêk tơdroăng khăm, pơlât.