Drêng ai hên ngế tro pơreăng kôk rơxok, Khu ngăn ‘na pơkeăng ƀă khăm pơlât Lâm Đồng pơâ thế Tíu xiâm Mơdât pơreăng kôk rơxok kong pơlê thăm rế séa ngăn, hbrâ mơdât, rĕng teăm châ hlo mâu ngế ki tro pơreăng tơdjâk pơreăng kôk rơxok, ki má lối tro chó, miếo kâ nhôm tro pơreăng; chó kâ hên ngế; mơnăn păn tamo, hlâ ôh tá ‘nâi xiâm kối ƀă ngế tro chó kâ, miếo kâ, kơ’viêo, kơ’vo tơ’lêi tơdjâk tro pơreăng.

Mâu tíu khăm pơlât pơkâ thế tơrŭm krá tơniăn ƀă kơ koan pơlât mơnăn ƀă khu râ kăn pơkuâ vâ séa ngăn, mơnhên mâu ngế nhôm tro pơreăng a kuăn kiâ kong; tơdrêng amê thăm pơtâng tối a pơlê pơla, hngêi trung hriâm ƀă mâu pơlê ki tơ’lêi tro pơreăng. Khu pơkuâ ngăn pơkeăng ƀă khăm pơlât pơchân tối, drêng tro chó miếo kâ, kơ’viêo, kơ’vo, kuăn pơlê kal rĕng xếo tíu hbáu tro kâ ƀă kơƀŏngm têa krúa, kơ’nâi mê thâ rĕng troh a hngêi pơkeăng vâ châ hnê, teăm pâk pơkeăng mơdât pơreăng kôk rơxok tơdrêng.