Ngế ki hlâ cho jâ H.B.K., 58 hơnăm, ối a ƀuôn Ea Mắp, cheăm Quảng Phú, kong pơlê Dak Lak. A Hngêi pơkeăng kân kơpong Tây Nguyên ngế ki tơngê châ tối tro tâ pơreăng tơngê lo mơheăm Dengue hâi má 6, cho hiăng râ, lo mơheăm a hnĕng, khăm ngăn ai lo mơheăm tung troăng klêa. Ngế ki tro tơngê mê hlối ai mơheăm kơtâu têi ƀă nŭm nheăn type 2.

Hdrối mê, môi ngế châi hiăng hên hơnăm, ối a bêng Tân An, kong pơlê Dak Lak, xuân hiăng hlâ xua tơngê lo mơheăm a Hngêi pơkeăng kân kơpong Tây Nguyên hâi lơ 30/7. Tiah mê, sap apoăng hơnăm troh nôkố, lâp kong pơlê Dak Lak mơnhên 6.012 ngế tơngê lo mơheăm a 252 tíu ai pơreăng ối tung 24 cheăm, bêng tung lâp kong pơlê, tâk vâ chê 30% tâng pơchông ƀă rôh kố hơnăm 2025.