Tơkéa vâ tối, khu 500 ngế cheăng cho kơpeăng kŏng tơdjêp pro hlá tơbeăng rế hía rế hên, Kăn xiâm hnê ngăn Kuô̆k hô̆i khĕn kơdeăn, phiu ro tơdroăng ki hơ'lêh nếo 'na tơdroăng chêh, túa chêh dêi Hlá tơbeăng Teăng mâ Kuăn pơlê ƀă khu cheăng cho mâu ngế cheăng khoa hok, mâu ngế rơkê, mâu ngế pơkuâ, mâu kăn ƀô̆ ki hiăng pơtê cheăng hiăng rơtế prôk ƀă hlá tơbeăng tung plâ hneăng hdrối nah.

Kăn xiâm hnê ngăn Kuô̆k hô̆i tối pơchân, Hlá tơbeăng kal mơnhông tâ nếo khu ki chêh hlá tơbeăng a mâu kơvâ cheăng, rêm râ, mâu kong pơlê. Ƀă khu ki chêh hlá tơbeăng, tiô Kăn xiâm hnê ngăn Kuô̆k hô̆i kal rak tơniăn tơdroăng ki hâk vâ, hiâm mơno khŏm mơ-eăm, rak tơniăn hiâm mơno lĕm, tơdroăng kal kí krá rơdêi, rơkê plĕng, hbrâ rơnáu, tơleăng mơnhên rĕng, tro, nhên ƀă rơkê.