Nôkố, Viện Sinh học hiăng tơdah xo, ‘măn rak 37.610 túa kơxêng kiâ mố đô̆i hlâ sap ing 08 to kong pơlê. Pakĭng mâu túa kơxêng kiâ mố đô̆i mê, Tíu pêi cheăng dế tơbleăng tơdah xo túa nhŏng o rơpŏng hngêi mâu mố đô̆i vâ pơchông ngăn, tơrŭm rơtế ƀă tíu ‘măn rak ADN nhŏng o rơpŏng hngêi vâi xua Khu xiâm ngăn Kăn sat pơkuâ ngăn chêh pro mơ-éa ‘na tơniăn tung pơlê pơla, Khu xiâm ngăn Kŏng an pơkuâ.

Tơpui a rôh pêi cheăng, jâ Phạm Thị Thanh Trà, Ngế pro xiâm phŏ hnê ngăn tơnêi têa pơkâ thế, Viên Hàn lâm Khoa hok ƀă Kŏng ngê̆ Việt Nam séa ngăn apoăng rôh apoăng 'na tơdroăng ki mơnhên dêi kơmăi kơmok rơxông nếo, tơbleăng ăm Khu hnê mơhno, Ngế pro xiâm hnê ngăn Chin phuh ƀă Ngế pro xiâm phŏ hnê ngăn Chin phuh; Tơkŭm po hnê hriâm kŏng ngê̆ nếo ăm khu pêi cheăng séa ngăn ADN… Ing tơdroăng mê tơbleăng tơdrêng ƀă mâu tíu pêi cheăng ai hnoăng cheăng xo mơheăm, mơnhên inâi kơxêng kiâ mố đô̆i.