Hôp tơno tơdroăng kal Vi ƀan râ kăn xiâm ‘na Tơmot chiâng môi liăn ngân ASEAN
Thứ tư, 05:00, 16/09/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Hâi lơ 15/9 a Quảng Ninh, Hngêi arak liăn Tơnêi têa Việt Nam ƀă Hngêi arak liăn kong têa Indonesia rơtế tơkŭm po Hôp tơno tơdroăng kal Vi ƀan râ kăn xiâm ‘na Tơmot chiâng môi liăn ngân ASEAN (SLC) rôh má 32 ƀă mâu tơdroăng ki kal.
A Hôp tơno tơdroăng kal, teăng mâ mâu khu tơrŭm lâp plâi tơnêi, mâu hngêi arak liăn tơnêi têa ASEAN tơkŭm tơpui tơno mâu tơdroăng xiâm tung tơdroăng tơmot chiâng môi liăn ngân ASEAN; rĕng ‘nâi tơ’nôm mâu tơdroăng nôkố ai tơdjâk tơdroăng dêi mâu hngêi arak liăn xiâm tơnêi têa.
Rơtế amê cho tơdroăng troăng tơmiêt pêi rơkê ‘na liăn ngân krá tơniăn ƀă tơdroăng kĭ môi tuăn nếo; pơkâ pêi pro Tơdroăng tơkêa bro ‘mâi rơnêu troăng tơrŭm liăn ngân ASEAN, ƀă troăng pêi nếo kô châ pêi pro sap hơnăm 2027, vâ mơdêk châ tơƀrê ƀă mơdêk tơdroăng mot tơrŭm liăn ngân ASEAN tung hneăng la ngiâ.
Viết bình luận