A rôh tơdah, pôa Trần Thanh Mẫn, Kăn xiâm hnê ngăn Kuô̆k hô̆i tối rơdêi, rôh lăm pôu dêi Khu râ kăn gum pro trâu hơngế tâ Môi tuăn tơrŭm pơla kơ koan mơjiâng luât péa tơnêi têa (kĭ tơkêa hơnăm 2024) ƀă thăm kơnâ tâ tung pơla péa pâ dế thăm pêi pro Khu tơrŭm cheăng ton xŏn tŭm tâi tâng, Pơlê pơla veăng tơdroăng la ngiâ Việt Nam – Sinuâ ai kơnâ troăng pêi cheăng ton xŏn.

Péa ngế kăn pơkuâ môi tuăn tối, tơmeăm ki ai hlâu, ki rơdêi ƀă tơnêi ki rơlối ối hên. Péa pâ môi tuăn, Việt Nam ƀă Sinuâ thăm tơrŭm môi tuăn, tơdjuôm ivá, môi hiâm mơno vâ pêi pro troăng to chuh ngiah xah hô̆i ƀă mơnhông tơnêi têa tung la ngiâ; tơdrêng amê, kơ koan mơjiâng pro luât péa tơnêi têa kal thăm tơrŭm, tối ăm dêi pó tơdroăng ki ‘nâi klê mơjiâng luât, séa ngăn, vâ mơjiâng tíu luât rế hía rế tơ’lêi hlâu tâ ăm tơdroăng mơnhông cheăng kâ ƀă tơrŭm péa tơnêi têa.