Teăng mâ kăn pơkuâ Đảng, Tơnêi têa, Ngế pro xiâm hnê ngăn tơnêi têa khĕn kơdeăn ƀă rơkâu mâu tơdroăng pêi pro tơƀrê, tơdroăng hâk tơngăm ki Học viện Quốc phòng hiăng pêi châ tơƀrê tung plâ 50 hơnăm hdrối. Học viện hiăng hnê ăm lối rơtuh ngế kăn ƀô̆ xiâm dêi Đảng, Tơnêi têa ƀă khu lêng kring vế; kơhnâ hriăn plĕng khoa hok, mơgêi tơdroăng ki ai khât, mơjiâng lĭ luâ̆n ƀă ngê̆ thuât cheăng lêng Việt Nam.

Hlo tơdroăng ki lâp plâi tơnêi ôh tá tơniăn ƀă hnoăng cheăng rak vế Tơnêi têa pơkâ thế rế hía rế hên, pôa Lê Minh Hưng, Ngế pro xiâm hnê ngăn tơnêi têa mơhno hnoăng cheăng ki kal ki Học viện Quốc phòng kal tơkŭm pêi pro. Ngế pro xiâm hnê ngăn tơnêi têa pơkâ thế mơnhông tơƀrê ‘na ki rơkê tung hnê, mâu kăn ƀô̆ pêi cheăng, tung la ngiâ ƀă kăn ƀô̆ khu xiâm dêi Đảng, Tơnêi têa, khu lêng kring vế tơniăn tro ƀă mơdêk tâ nếo ki rơkê tung hriăn plĕng khoa hok; ăm Học viện chiâng tíu pêi cheăng xiâm tí tăng ‘nâi plĕng tung la ngiâ ‘na cheăng lêng dêi kơpong.