Tung pơla kui tơnêi vâ pêt loăng nhĕn a kơpong ngo Suối Dứa, thôn Đồng Lãnh, cheăm Phú Hòa 2, kong pơlê Dak Lak, pôa Trần Văn Lợi, a thôn An Mỹ Nam, hlo môi to tăng tâp tung kơdâm tơnêi. Tung dế ai hên tơmeăm nhôm cho tơmeăm dêi mố đô̆i mê pôa tối ăm kơ koan cheăng lêng cheăm. Hâi lơ 21/9, Khu pơkuâ ngăn lêng cheăm Phú Hòa 2 tơrŭm ƀă Đô̆i K51, Ƀơrô cheăng kal kí, Khu pơkuâ ngăn lêng kong pơlê Dak Lak tơkŭm tăng rôu ƀă tơkŭm môi kơxêng kiâ mố đô̆i.

Rơtế ƀă kơxêng kiâ, khu kố ối hlo 13 to kơdjiăn ếo, hmân lêng, kế ki xêa hnĕng, tơlŏng ‘mrâm pháu, kơxái kât kiâ, kơlâp pháu, kơlâp xâk kơđô...  Xua kơxêng hiăng liê (ŭm tung tơnêi), ôh tá ai tŭm tơdroăng vâ xo séa ngăn ADN. Kơxêng kiâ dế châ ‘măn a Hngêi tơbâ mố đô̆i thôn Phụng Trường 1, tơkôm vâ tơbâ hnoăng, ‘mế. Kố cho kơxêng kiâ mố đô̆i ki má 35 châ Đô̆i K51 tăng tơkŭm sap ing tơbleăng tơdroăng cheăng pêi thâ 500 hâi măng”.