Tối nhên Luât Khu lâp kong têa ƀă luât lâp plâi tơnêi cho ki xiâm dêi tơdroăng rêh ối lâp plâi tơnêi, thế châ nhoăm tŭm têk, môi tuăn ƀă ôh tá pơrah, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối tŭm mâu kong têa thế nhoăm tơniăn krê, hnoăng pơkuâ, tâi tâng tơnêi tơníu ƀă hnoăng rah xo troăng prôk mơnhông dêi rơpó; ôh tá tơtrâ tung tơdroăng cheăng tung tơnêi têa, ôh tá pơloăng lơ xúa tơplâ ôh tá tro ƀă Luât Khu lâp kong têa.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa loi tơngah ƀă môi Khu lâp kong têa krá rơdêi, Việt Nam kô rơtế mơjiâng môi plâi tơnêi hơniâp lĕm, tơdâng tơ'mô, tŭm têk ƀă lĕm tro tâ ăm tâi tâng. Tung troăng prôk mê, Việt Nam đi đo cho khu tơrŭm cheăng kơhnâ, khu tơrŭm loi tơngah ƀă cho tơnêi têa ki ai hnoăng cheăng, hbrâ rơnáu veăng kum tung mâu tơdroăng mơ-eăm tơdjuôm dêi khu lâp kong têa.