Klêi kơ’nâi séa ngăn, kong pơlê djâ 396 to kế tơmeăm, tơdroăng tơkêa bro mot tung tơdroăng ki châ séa ngăn, tơleăng. Troh nôkố, mâu kơ koan ki ai tơdjâk hiăng lêi tah ki xơpá, tơvâ tơvâ ăm 258 tơdroăng tơkêa bro. Krê khu tơdroăng tơkêa ôh tá xê liăn ngân tơnêi têa pro, hiăng tơleăng 193 tung tâi tâng 200 tơdroăng tơkêa bro, hlối pơtê 8 tơdroăng tơkêa bro ki ôh tá tơƀrê, xo tơvêh 91 ha tơnêi.

Pôa Lương Nguyễn Minh Triết, kăn pơkuâ hnê ngăn cheăng Đảng kong pơlê Dak Lak pơkâ thế pơtối séa ngăn, klâ xoăng mâu tơdroăng tơkêa tiô kơlo ki tơvâ, mơnhên nhên kơ koan ƀă ngế ki pôu râng, pôi tá pro mơdon, tơpôu ăm dêi rơpó lơ ôh tá vâ pôu râng dêi hnoăng. Mâu tơdroăng ki hlo vâ pro xôi athế rế lêi tah xơpá, rế pơxâu phâk hnoăng cheăng ngế pôu râng tiô pơkâ.

Kăn pơkuâ hnê ngăn kong pơlê pơkâ thế pêi pro klêi tơdroăng ki rah, xoăng khu ki pơxâu phâk hdrối hâi lơ 30/9; hlối pơkâ thế pêi pro kơtăng ƀă ngế ki ‘no liăn pêi cheăng, tíu xo pro tơmeăm khoăng mơdêk rĕng tơdroăng ki pro.