Tung 8 khế hơnăm kố, Việt Nam tơdah vâ chê 16 rơtuh ngế tơmối kong têa ê, 113 rơtuh ngế tơmối tung tơnêi têa; tâi tâng kơxô̆ liăn châ xo sap ing ôm hyô châ lối 780 rơtal liăn. Lâp tơnêi têa nôkố ai lối 4.600 khu mơdró kâ châ hbru ăm mơ-éa tê mơdró pơkuâ djâ tơmối kong têa ê, lối 44.000 tíu ối pơtê ôm hyô, 538 tíu ôm hyô.

A rôh hôp, mâu kăn teăng mâ tối tiah kố, tơmeăm ôm hyô ƀă tơdjêp ối cho tơdroăng ki tro kreăng; tơmeăm ôm hyô a hên kong pơlê tá hâi mơnhông tơƀrê, ối tiô rơnó, ối kŭn; mâu ngế cheăng tá hâi rơkê plĕng. Mơgêi rôh hôp, jâ Phạm Thị Thanh Trà, Phŏ Ngế pro xiâm hnê ngăn tơnêi têa pơkâ thế pêi pro klêi tơdroăng cheăng tung la ngiâ mơjiâng pro ôm hyô Việt Nam troh hơnăm 2035, troăng ngăn troh hơnăm 2045 hdrối hâi lơ 15/12; mơjiâng tơdroăng hnê mâu ngế cheăng rơkê, mơdêk rĕng tơdroăng xúa internet ƀă xúa APEC vâ mơdêk rơdêi pơkâ mơdêk ‘no liăn mơđah tơbleăng ôm hyô Việt Nam.