Hơnăm hriâm 2026-2027, Dak Lak hiăng xing xoăng nếo tíu pêi cheăng hnê hriâm, ối 625 tíu pêi cheăng, kơdroh lối tơdế tâng vâ pơchông ƀă hơnăm hriâm hdrối. La, tơdroăng ki ôh tá tŭm thái cô, lâm hriâm, kơbong pêi cheăng ƀă tơmeăm hnê hriâm, tơdroăng pêi pro ôh tá tŭm hngêi ối pơtê, hngêi ối pơtân ối cho tơdroăng ki kân.

Vâ tơkâ luâ xơpá, kơvâ ngăn hnê hriâm ƀă hnê mơjiâng tuăn ngôa rơkê Dak Lak pơkâ thế tơ'nôm lối 6.700 tíu pêi cheăng ăm thái cô pơla hơnăm 2026-2030. Kơvâ kố xuân pơkâ "Hơ'lêh nếo tuăn tơmiât – Pơhlêh rơdêi – Pơhlêh tơƀrê", pêi pro tiô pơkâ "kơdroh vâ mơdêk", xut tah hlá mơ-éa ki tơvâ tơvân chêh bu bối, kơdroh ki iâ 50% tơdroăng tơ'noăng, tơdroăng tơ'noăng ki ôh tá kal; tơdrêng amê tơkŭm tơleăng tơdroăng ki lối hên, ôh tá tŭm thái cô ƀă mơdêk pơhlêh kơxô̆ tâi tâng.

Kơvâ hnê hriâm ƀă Hnê mơjiâng tuăn ngôa rơkê Dak Lak thế pơ'lêh rơdêi ing pơ'lêh túa hnê hriâm chiâng mơjiâng mâu tơdroăng châ tơƀrê nhên, tung mê ki xiâm xo ki dâi lĕm khât ƀă tơdroăng ki rơkê plĕng dêi hok tro pro ki xiâm.