VOV.Xơ Đăng - Tung hneăng ki phiu ro, sôk suâ koh hâk Hneăng hôp kân mâu kăn teăng mâ lâp tơnêi têa roh má XIV dêi Đảng, mâu kuăn pơlê hdrông kuăn ngo tung lâp tơnêi têa hiăng pơtroh hiâm mơno pói tơngah a mâu troăng hơlâ, troăng tơdjâ ki kal dêi Đảng. Ing mê, pói tơngah pơtối châ mơdêk bâ phuâng mâu ivá cheăng tung mơnhông, ‘mâi mơdệ krá kâk khu tơrŭm lâp hdrông kuăn mơngế, mơjiâng ivá mơnhông krá tơniăn.

VOV.Xơ Đăng - Mâu hâi apoăng hơnăm 2026, tơdroăng tơ’noăng pêi chiâk deăng, pêi cheăng pro tơmeăm khoăng, tơdroăng tơkêa bro a kơpong kong ngo peăng mâ hâi Lu kong pơlê Quảng Ngãi dế tơxup pêi, thâ rĕng klêi. Kố ôh ti xê to pơkâ mơ-eăm tơkâ luâ xơpá tung pơla tơdroăng pêi pro pá puât mê ối cho tơdroăng pêi cheăng vâ koh tơbâ hneăng hôp Kân mâu kăn tung lâp tơnêi têa rôh má 14 dêi Đảng, veăng pro ngiâ méa nếo ăm kơpong kong ngo peăng mâ hâi lu, mơnhông cheăng kâ- pơlê pơla krá tơniăn.

VOV.Xơ Đăng -  Kơxê lơ 15/01, a Tíu pêi cheăng Khu xiâm tơpui kâ po Hneăng hôp tơmâng xo rơkong kuăn pơlê tíu pêi cheăng ƀă pôa Lê Hoài Trung, Kăn pơkuâ hnê ngăn Đảng ủi, Ngế xiâm tơpui kâ, Kăn teăng mâ Kuô̆k hô̆i hneăng má XV, vâ tơbleăng kăn tơbriât to pro kăn Kuô̆k hô̆i hneăng má XVI, hneăng hơnăm 2026 – 2031.

VOV.Xơ Đăng - Kơxê hâi lơ 15/1, a tíu pêi cheăng Chin phuh, pôa Phạm Minh Chính - Ngế pro xiâm hnê ngăn Chin phuh hiăng tơdah jâ Chea Kimtha, kăn teăng mâ Kul koh pơ’lâng drêng hiăng tâi hneăng pêi cheăng a Việt Nam.

VOV.Xơ Đăng - Hâi lơ 15/1, a cheăm Phước Dinh, Vi ƀan Kuăn pơlê dêi kong pơlê Khánh Hòa tơkŭm po Leh pơxiâm pêi tơdroăng tơkêa bro djâ kuăn pơlê lăm ối tíu ê, pơtối pro pơlê nếo, gu tơbăng tơnêi, chêl thiăn liăn pro hngêi kơmăi on tơhrik trếo tik nik Ninh Thuận 1- rôh apoăng cho kal khât vâ tơniăn tơdroăng mơjiâng tơdroăng tơkêa bro ki kal dêi tơnêi têa, rơtế ƀă tơniăn tung rêh ối,  ton hơnăm ăm kuăn pơlê ki ối tung kơpong tơkêa bro.

VOV. Xơ Đăng -  Hâi lơ 15/1, a Hà Nội, pôa Phạm Minh Chính-Ngế pro xiâm hnê ngăn tơnêi têa hiăng ai ƀai pơchuât tơbleăng ki kal a rôh hôp mâu Kăn xiâm ASEAN rôh má 6.

VOV.Xơ Đăng - Kơxo hâi lơ 15/1, khu xiâm pơkuâ ngăn lêng kong pơlê Lâm Đồng tơkŭm po hôp tơbleăng, hnê pêi pro pơ’lêh xoăng hnoăng cheăng khu kăn, ƀiên chế Khu pơkuâ ngăn lêng cheăm, bêng, kơpong tung kong pơlê.

VOV.Xơ Đăng - A kơpong tíu xối tơbâ Đồng khởi cheăm Hòa Thịnh, Vi ƀan hnê ngăn kong pơlê Dak Lak nếo tơkŭm po leh mơgêi ƀă chiân mâu mố đô̆i veăng pêi “Cheăng pêi thâ Quang Trung”, hiăng pêi klêi hnoăng cheăng gum kuăn pơlê ‘mâi mơnhông mâu kế tơmeăm khoăng xua kong mê khía mơhot têa kân lân lu, mơjiâng pro ƀă ‘mêng hngêi ối a kong pơlê, lăm vêh dêi tíu pêi cheăng.

VOV.Xơ Đăng - Kuân khu 5 hiăng tơbleăng ƀă diâp pơkâ rah xo ai hâi khế ƀă 102 ngế kăn ‘na rak hnoăng cheăng pơkuâ Khu hnê mơhno cheăng Mô đô̆i mâu cheăm, bêng tung kong pơlê Dak Lak.

VOV.Xơ Đăng - Tiô Ngế pro xiâm hnê ngăn tơnêi têa, pêi pro tơdroăng xiâm mơ’no hyôh ‘mêi lo pakong ƀă ‘’0’’ cho pơloăng mơnúa kân laga tơdrêng amê xuân po roh tơ’lêi hlâu vâ pro pơhlêh tơdroăng cheăng kâ tiô troăng ngiât, krá tơniăn, mơdêk tơdroăng ki tơniăn krê, pơkuâ dêi hnoăng cheăng ƀă ivá tơbriât cheăng.