Ngế pro xiâm hnê ngăn tơnêi têa krếo thế droh rơtăm djâ troăng ahdrối pơhlêh troăng tơmiât, troăng pêi, tối ăm dêi pó tơdroăng ki ‘nâi klê
Thứ sáu, 10:35, 16/10/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng – Kơxê hâi lơ 15/10, a Hà Nội, tơkŭm po tơdroăng Ngế pro xiâm hnê ngăn tơnêi têa tơpui tơno ƀă droh rơtăm Việt Nam hơnăm 2026 ƀă dó inâi: "Mơnhông hnoăng cheăng droh rơtăm Việt Nam tung pơxiâm tăng cheăng pêi, pơhlêh nếo tơmiât pêi rơkê, veăng kum mơdêk tơtêk ƀă tăng cheăng pêi".
300 ngế droh rơtăm teăng mâ ăm lối 21 rơtuh ngế droh rơtăm tung lâp tơnêi têa veăng tơdroăng tơpui tơno. A rôh tơpui tơno, pôa Lê Minh Hưng tơmâng xo, khĕn kơdeăn hiâm mơno pôu râng hnoăng cheăng, tuăn ngôa rơkê ƀă tơdroăng pói vâ dêi droh rơtăm Việt Nam.
Mơnhên tơdroăng loi tơngah ƀă hnoăng cheăng pôu râng ăm rơxông ối nếo, Ngế pro xiâm hnê ngăn tơnêi têa krếo thế droh rơtăm djâ troăng ahdrối pơ'lêh tuăn tơmiât, hriăn plĕng ki nếo, pơ'lêh tuăn tơmiât vâ hmâ ƀă kơchơ mơdró dế pơ'lêh rơdêi; tơdrêng amê hlối hbrâ rơnáu pêi pro, tơleăng mơnhên mâu tơdroăng ki kân dêi mâu khu xiâm, kơvâ cheăng, kong pơlê.
Viết bình luận