Hneăng hôp châ tơkŭm po tiô troăng mơ'no tơdrêng tung um tơvi hlối mơ’no tung um tiô troăng hyôh măng, tơdjêp troh tíu hrik mơ’no hyôh mâu Khu xiâm, kơvâ cheăng Tíu xiâm Tơnêi têa, kong pơlê, kơ koan, tíu pêi cheăng. Tơdroăng tơkŭm po Hneăng hôp vâ kum kăn ƀô̆, đảng viên, malối cho khu râ kăn pơkuâ hnê ngăn cheăng Đảng, ngế ối a ko khu râ kăn pơkuâ hnê ngăn cheăng Đảng 'nâi nhên tơdroăng xiâm, ki nếo, ki kal dêi Tơdroăng pơkâ Hneăng hôp roh má pŭn Khu xiâm pơkuâ hnê ngăn Đảng hneăng má XIV.

Ing mê, mơdêk hnoăng cheăng tung tơkŭm pêi pro, mơnhên chiâng tơdroăng pơkâ pêi, tơdroăng cheăng pêi tơƀrê, châ tơƀrê. Tơdroăng hriâm tâp, hlê plĕng tơkŭm tung mâu tơdroăng ki nếo, tơdroăng ki kal, xiâm kối, rĕng, tơ'lêi hlê plĕng, tơ'lêi chôu vế, tơ'lêi tơbleăng; tơrŭm krá pơla "hriâm tâp, hlê plĕng" ƀă "séa mơnhên ngăn tơdroăng hlê plĕng" ƀă "tơkŭm tơbleăng pêi pro". Ing mê, vâ môi tuăn khât 'na tơdroăng ki hlê plĕng ƀă tơdroăng pêi pro ƀă mâu troăng hơlâ pơkâ ki kân dêi Tíu xiâm.