A rôh tơdah, pôa Trần Thanh Mẫn, Kăn xiâm hnê ngăn Kuô̆k hô̆i tối hneăng lăm pôu ai pơxúa kal khât, veăng 'no hnoăng pro trâu hơngế tâ nếo tơrŭm cheăng ki kân, tơrŭm môi tuăn ki má môi, tơrŭm tŭm têk, tơrŭm krá tơniăn ton xŏn Việt Nam - Lếo. Pôa Trần Thanh Mẫn, Kăn xiâm hnê ngăn Kuô̆k hô̆i tối nhên rơtế ƀă tơdroăng mơnhông mơdêk lĕm tro dêi tơrŭm cheăng péa tơnêi têa, tơrŭm cheăng pơla Kuô̆k hô̆i péa tơnêi têa rế hía rế châ 'mâi mơnhông, rak vế krá tơniăn, châ tơƀrê.

Péa Ngế pro xiâm hnê ngăn tơnêi têa púi vâ, Kuô̆k hô̆i Việt Nam ƀă Kuô̆k hô̆i Lếo pơtối tơpui tơno, tối ăm dêi rơpó 'nâi mâu tơdroăng ki rơkê plĕng tung pêi hnoăng cheăng mơjiâng luât ƀă séa ngăn má môi; djâ tơrŭm cheăng pơla péa kơ koan mơjiâng luât péa tơnêi têa rế hía rế châ tơƀrê hên, veăng 'no hnoăng kal khât tung tơdroăng mơnhông tơdjuôm dêi tơrŭm cheăng péa Đảng, péa tơnêi têa.