A rôh pêi cheăng, kăn hnê ngăn Pơlê kong kân Hà Nội hiăng tơbleăng mâu troăng hơlâ pêi pro pơkâ mơdêk sap ing 11% tơngi klêng hơnăm 2026; tối rôh apoăng tơdroăng pêi pro nhên mâu hnoăng châ pơcháu tung Luât Pơlê kong xiâm ƀă pơkâ thế, pâ thế dêi pơlê kong kân ƀă Hneăng hôp má péa, Kuô̆k hô̆i hneăng 16.  

Tơpui a rôh pêi cheăng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, kal athế pêi pro nhên mâu tơdroăng pơkâ dêi Đảng, mơdêk ivá pơkuâ mơnhông tơnêi têa; hriăn plĕng mâu tơdroăng tơkêa bro tung tâi tâng troăng hơlâ; pơkâ tơ'lêi hlâu mơ'no liăn cheăng athế châ tŏng kum ƀă luât, ƀă luât tơnêi tơníu, luât pơkâ ƀă mơjiâng tơdâng tơ'mô.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, mâu tơdroăng pơkâ 'na tơdroăng pơkâ liăn ngân vâ tâk hên thế prôk rơtế ƀă tơniăn ƀă mơnhông tung tơdroăng rêh ối kuăn pơlê; mơnhông hnoăng cheăng Pơlê kong xiâm, ing hnoăng cheăng dêi Hà Nội vâ veăng kum tung tơdroăng pêi klêi troăng hơlâ luât pơkâ tơdjuôm; pơtối séa ngăn tơdroăng châ tơƀrê séa ngăn tơdroăng tơhrâ ƀă kuăn pơlê.