VOV.Xơ Đăng - Khu xiâm pơkuâ mô đô̆i kong pơlê Dak Lak tơkŭm po Hneăng hôp mơgêi, xo vế túa ki rơkê tơtro pêi pro hnoăng cheăng ‘’Troăng pêi cheăng ton xŏn Quang Trung’’ gum kuăn pơlê rơnêu kế tơmeăm khoăng xua kong prâi pro, tơniăn tơdroăng rêh ối ƀă pêt mơjiâng kế tơmeăm.

VOV.Xơ Đăng - Tah lôi tíu ki pro pá ‘na troăng klông, bu klêi kơ’nâi lối 6 khế pêi pro tơmot chiâng môi, kong pơlê Lâm Đồng nếo hiăng kơjo pêi pro hên tơdroăng tơkêa bro troăng klông, ing rơnêu dâi lĕm troh mơjiâng nếo vâ mơdêk tơdroăng tơdjêp troăng klông tung kơpong ƀă tơdjêp kơpong.

VOV.Xơ Đăng - Tơbleăng dêi Khu pơkuâ xiâm Tơnêi têa a Hneăng hôp Đảng lâp tơnêi têa roh má XIV ôh tá xê to mơgêi troăng prôk hiăng hluâ, mê ối mơnhên troăng tơmiêt pêi la ngiâ, troăng pêi tơtêk ƀă pơkâ pêi pro ăm hneăng la ngiâ. Tung mê, Tây Nguyên – Nam Trung bô mơhno môi tiah tíu mơnhông mơdêk ki phá tơ-ê, hên tơmeăm mơnhông, pơkâ thế pơhlêh rơdêi vâ rơtế lâp tơnêi têa mot tung ‘’chal mơ-eăm xông tơtêk’’.

VOV.Xơ Đăng - A Hneăng hôp kân 14 dêi Đảng, tơpui tơno a tôh, mâu kăn mơnhên tối: Mơ-éa Hneăng hôp kân XIV cho tơdroăng tơrŭm, môi tuăn trâu rơdâ pơla hiâm mơno Đảng ƀă kuăn pơlê. Mê cho mơhno tơdroăng ki tro ‘ló dêi ivá khên tơnôu ‘na cheăng kal kí, ki trâu hơngế dêi tuăn ngoâ ƀă troăng ngăn ton xŏn dêi dêi Đảng ‘na rôh tơ’lêi hlâu ƀă pơloăng nếo dêi tơnêi têa.

VOV. Xơ Đăng - Vi ƀan kuăn pơlê dêi kong pơlê Khánh Hòa nếo pơkâ hlá mơ-éa pâ thế mâu tíu pêi cheăng, kơvâ cheăng, kong pơlê thâ séa ngăn tâi tâng mâu pơkâ, tơdroăng cheăng ƀă tơdroăng pơkâ; mơjiâng pơkâ, tơdroăng pêi pro nhên vâ pê klêi pơkâ mơjiâng  Khánh Hòa chiâng pơlê kong kân râ xiâm tơnêi têa hơnăm 2027.

VOV.Xơ Đăng - Kơxo kố, hâi lơ 23/1, Khu xiâm pơkuâ hnê ngăn xiâm Đảng hneăng 14 hiăng po hôp roh má 1, pơtối pêi pro mâu hnoăng cheăng ‘na rah pôk mơngế cheăng tung Khu xiâm pơkuâ hnê ngăn Đảng.

VOV.Xơ Đăng - Tung mâu hâi lâp tơnêi têa tơmiât pêi pro troh Hneăng hôp má XIV dêi Đảng ƀă tơdroăng loi tơngah mot ‘’Chal xông mơ-eăm’’, a kong trương troăng kân ăm phêp rơxế kơtâu têi Peăng Kơnhŏng – Peăng Hdroh, kơpong Chí Thạnh – Vân Phong hluâ kong pơlê Dak Lak, tơdroăng mơjiâng pro po thâ, vâ kêi đeăng tâi tâng troăng kân hdrối Têt lo hơnăm nếo Bính Ngọc.

VOV.Xơ Đăng - A Hneăng hôp khu kăn lâp tơnêi têa rôh XIV, hnoăng hbrâ rơnáu mâu ngế cheăng Khu pơkuâ Tơnêi têa pơtối châ pêi pro ƀă tơdroăng ki kơtăng, tơniăn, khoa hok ƀă tơdrăng.

VOV.Xơ Đăng - Hâi kố, lơ 22/1, Hneăng hôp Kăn teăng mâ lâp tơnêi têa dêi Đảng mot hâi pêi cheăng má Pŭn.

VOV.Xơ Đăng - Ngế pơkuâ Rơ’jíu xiâm Việt Nam VOV pơkâ thế mâu ngế chêh hlá tơbeăng thế tơmâng chêh, xup xo nhên, tro, ai tơ’nôm mâu tơdroăng rơtâ tá dêi hneăng Hôp kân vâ veăng ‘no hnoăng mơhno tuăn loi a mâu tơdroăng kal ai tơpui a hneăng Hôp, malối cho ƀai tơbleăng dêi pôa Tô Lâm - Kăn xiâm pơkuâ hnê ngăn Đảng ƀă mâu ƀai chêh tơbleăng dêi mâu kăn.